दक्षिणपूर्वी एसियाका मुलुकहरूको संगठन आसियानको बैठकमा भाग लिनका लागि दक्षिण कोरियाले पठाएको निमन्त्रणलाई उत्तर कोरियाले अस्वीकार गरेको छ । दुई कोरियाबीचको सम्बन्ध बिग्रेको अवस्थामा बुसानमा हुने सम्मेलनमा भाग लिनुको औचित्य नरहेको उत्तरको सरकारी सञ्चारमाध्यमले जनाएको छ । 

दक्षिण कोरियाका राष्ट्रपति मून जाए–इनले उत्तरका नेता किमलाई कार्तिक १९ मा निमन्त्रण पत्र पठाएर आफू आउन नसक्ने भए एक प्रतिनिधिलाई पठाउन अनुरोध गरेको केसीएनए समाचार संस्थाले लेख्यो । 

बुसानमा अर्को साता हुन लागेको सम्मेलनमा आसियान नेताहरूलाई आफूले आतिथ्य दिँदा किम पनि आउन सक्ने मूनले बताए । 

किमले निमन्त्रण अस्वीकार गरेको विषयमा मूनको कार्यालयले कुनै पनि टिप्पणी गरेको छैन । 

किम र मूनबीच पहिले भएका शिखर सम्मेलनमा गरिएका सहमतिलाई दक्षिण कोरियाले पालना नगरेको र अमेरिकामा निर्भर भएको केसीएनएले लेख्यो । 

त्यसैले देखाउनका लागि उत्तर र दक्षिणका नेताहरूको भेटघाट गरिनु अर्थहीन भएको केसीएनएले लेख्यो ।

रोयटर्सबाट