जनमोर्चा उम्मेदवारलाई भोट माग्न चित्रबहादुरसँगै प्रचण्ड र विष्णु पौडेल बाग्लुङ आउने

बाग्लुङ क्षेत्र नम्बर २ (ख) मा यही मंसिर १४ गते हुने उपनिर्वाचनलक्षित वाम गठबन्धनको जनसभालाई सम्बोधन गर्न नेकपा अध्यक्ष एवं पूर्वप्रधानमन्त्री प्रचण्ड बाग्लुङ आउने भएका छन् ।

उपनिर्वाचनको चुनावी मिति नजिकिएसँगै नेकपा र राष्ट्रिय जनमोर्चासम्बद्ध वाम गठबन्धनले जिल्लाको ढोरपाटन नगरपालिका– १ बुर्तिबाङ बजारमा विशाल चुनावी आमसभा आयोजना गरेको हो ।


Advertisement

आमसभालाई सम्बोधन गर्न नेकपा अध्यक्ष प्रचण्डका अलावा राष्ट्रिय जनमोर्चाका केन्द्रीय अध्यक्ष एवं पूर्व उपप्रधानमन्त्री चित्रबहादुर केसी र नेकपा महासचिव विष्णु पौडेल बुर्तिबाङ आउने वाम गठबन्धनले जनाएको छ ।


Advertisement

पश्चिम बागलुङको बुर्तिबाङ बजारमा आयोजना गरिएको विशाल आम सभामा नेपाल कम्युनिस्ट पार्टी (नेकपा) र राष्ट्रिय जनमोर्चा निकट नेता कार्यकर्ता र शुभेच्छुकहरूको उल्लेख्य सहभागिता रहने वाम गठबन्धनले बताएको छ । बाग्लुङ २ (ख) मा  ढोरपाटन नगरपालिका, निसीखोला गाउँपालिका र तमानखोला गाउँपालिका समेटिएका छन् ।

राजनैतिक दलहरू आ-आफना चुनावी एजेण्डा र घोषणा पत्रसहित मत माग्न निकै व्यस्त रहेका छन् ।

नेपाल कम्युनिस्ट पार्टी (नेकपा) अध्यक्ष पुष्पकमल दाहाल प्रचण्ड, राष्ट्रिय जनमोर्चाका अध्यक्ष चित्रबहादुर केसी र नेपाल कम्युनिस्ट पार्टी नेकपा महासचिव विष्णु पौडेलको आगमनले बागलुङ क्षेत्र नं २ प्रदेश ख उल्लासमय माहोल बनेको दाबी वाम गठनबन्धनको छ ।

मंसिर १४ नजिकिँदै गर्दै पश्चिम बाग्लुङमा उपनिर्वाचनको चुनावी सरगर्मी बढेको छ ।

बागलुङ क्षेत्र नं २ प्रदेश (ख) का सांसद टेकबहादुर घर्तीको गत वर्ष उपचारको क्रममा निधन भएपछि रिक्त पदपूर्तिका लागि मंसिर १४ गते उपनिर्वाचन हुन लागेको हो ।

नेकपा र राष्ट्रिय जनमोर्चाले संयुक्त वाम गठबन्धन निर्माण गरी खिमविक्रम शाहीलाई उम्मेदवार बनाएका छन् ।

कांग्रेसका तर्फबाट भने जीत शेरचन उम्मेदवार बनेका छन् । समाजवादी पार्टी नेपालले अशोक विश्वकर्मालाई उम्मेदवार बनाएको छ ।

अहिले विभिन्न राजनैतिक दलका नेता आफ्ना उम्मेदवारलाई मत माग्न गाउँ टोलमा पुगेका छन् । नेता/कार्यकर्ता तथा शुभेच्छुक भोट माग्न मतदाताको घरदैलोमा व्यस्त देखिन्छन् ।

कमेन्ट गर्नुहोस्