गूगल र फेसबूकको बिजनेस मोडल मानवअधिकारका लागि खतरा भएको एम्नेस्टी इन्टरनेसनलको भनाइ

मानवअधिकारको अग्रणी संस्था एम्नेस्टी इन्टरनेसनलले गूगल र फेसबूकको जिनेस मोडल मानवअधिकारका लागि खतरा भएको बताएको छ । 

एम्नेस्टीले एक प्रतिवेदन सार्वजनिक गरेर यी टेक कम्पनीहरूले गर्ने व्यापक निगरानीका विषयमा चिन्ता व्यक्त गरेको छ । यस मानवअधिकार संगठनले यी ठूला प्लेटफर्ममा मानवअधिकारहरूलाई हानि पुग्ने परिस्थिति उत्पन्न गरिरहेका छन् भनेको छ । 


Advertisement

फेसबूकले यस रिपोर्टप्रति असहमति जनाएको छ । कम्पनीले मानवअधिकारलाई सशक्त बनाएको उसले बताएको छ । गूगलले मानिसहरूको विश्वासलाई कदर गरेको र प्रयोगकर्ताहरूको डेटाको सुरक्षाको जिम्मेवारी लिएको पनि भएको बतायो । 


Advertisement

रिपोर्टमा लेखिएअनुसार, गूगल संसारभरि ९० प्रतिशतभन्दा बढी उपयोग गरिने सर्च इन्जिन हो र संसारको एकतिहाइ जनसंख्या दिनदिनै फेसबूक उपयोग गर्छ । 

५८ पृष्ठको रिपोर्टमा एम्नेस्टीले गूगल र फेसबूकको बिजनेस मोडललाई अर्बौं मानिसलाई विश्वव्यापी निगरानी संज्ञा दिएको छ । यी टेक कम्पनीहरूले आधारभूत बिजनेस मोडलमा मौलिक परिवर्तन ल्याउनुपर्ने एम्नेस्टीले बताएको छ । 

फेसबूक र गूगलले आफ्ना सेवाहरूका लागि कुनै पैसा नलिने गरेको भए पनि उपभोक्ताहरूले पर्सनल डेटाका रूपमा यसको मूल्य चुकाउनुपर्ने हुन्छ । 

रिपोर्टमा क्याम्ब्रिज एनालाइटिकाको उदाहरण दिइएको छ र प्रयोगकर्ताहरूको व्यक्तिगत डेटा उनीहरूका विरुद्ध उपयोग गरिएको प्रमाण प्रस्तुत गरिएको छ । 

एम्नेस्टीले सरकारहरूलाई डेटा सुरक्षा सम्बन्धी कानून बनाएर ठूला टेक कम्पनीलाई प्रभावकारी ढंगले नियमन गरेर सर्भेलान्समा आधारित बिजनेस मोडललाई छानबिन गरेर त्यसमा सुधार ल्याउन अपील गरेको छ । 

एम्नेस्टीको रिपोर्टमाथि प्रतिक्रिया जनाउँदै फेसबूकले आफ्नो बिजनेस मोडल विज्ञापनहरूमा आधारित रहेको र मानिसहरूलाई आफ्नो आवाज उठाउन र एकजुट हुने अवसर दिएर मानवअधिकारलाई प्रोत्साहन गरिएको बताएको छ ।

उता गूगलले प्रयोगकर्ताहरूको व्यक्तिगत डेटा सुरक्षित राख्ने गरेको प्रतिक्रिया जनाएको छ ।

बीबीसीबाट 

कमेन्ट गर्नुहोस्