कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मंसिर ६, २०७६
बुधवार मन्त्रिपरिषद्बाट हटाइएका निवर्तमान मन्त्रीमध्ये केही राजधानीस्थित आफ्नै घरमा सरिसकेका छन् भने कतिपयलाई डेरा खोज्नै मुश्किल परिरहेको छ ।
मन्त्रिपरिषद् पुनर्गठन हुने लामो हल्लाबीच बुधवार अबेर साँझ प्रधानमन्त्री केपी शर्मा ओलीले ६ मन्त्री र ३ राज्यमन्त्रीलाई हटाएर उनीहरूको स्थानमा नयाँ मन्त्री नियुक्त गरेका थिए ।
हटाइएका र नयाँ आउने मन्त्रीहरूको नामावली राष्ट्रपति कार्यालयले सोही दिन बेलुका अबेर सार्वजनिक गरेको थियो ।
मन्त्रीबाट हटेकाहरूलाई अहिले सरकारी क्वार्टर खाली गर्ने चटारो छ ।
२० महिना संघीय मामिला तथा सामान्य प्रशासन मन्त्रीका रूपमा काम गरेका निवर्तमान मन्त्री लालबाबु पण्डित अझै ललितपुरको पुल्चोकस्थित आफ्नो क्वार्टर छाडेका छैनन् ।
लोकान्तरसँग कुरा गर्दै पण्डितले आफूले डेरा नपाएका कारण क्वार्टर छाड्न नपाएको गुनासो गरे ।
'मसँग व्यक्तिगत सवारीसाधन नभएकाले सकेसम्म संसद् भवन बानेश्वरनजिकै डेरा सर्न पाए हुन्थ्यो भन्ने लागेको छ,' पण्डितले भने, 'बिहानदेखि बेलुकीसम्म भात पनि नखाई डेरा खोजिरहेका छौं ।'
राष्ट्रपति कार्यालयले नयाँ मन्त्रीहरूको नाम सार्वजनिक नगर्दै पुल्चोकस्थित मन्त्री क्वार्टर छाड्ने निवर्तमान मन्त्री हुन् मातृका यादव ।
उनका सहयोगी सन्तोष बिष्टले बुधवार साँझ नै मन्त्री क्वार्टरका सबै सामान बरबुझारथ गरेर क्वार्टर छाडिसकेको जानकारी लोकान्तरलाई दिए ।
यादव अहिले भक्तपुरस्थित ठिमी चारदोबाटोमा रहेको आफ्नो पुरानो डेरामा सरेका छन् ।
'त्यो पहिलेदेखिकै डेरा थियो,' बिष्टले भने, 'मैले त्यही दिन शहरी विकास मन्त्रालयअन्तर्गतको भवन विभागबाट औपचारिकता लिएर सामानहरू सारिसकेको थिएँ ।'
२१ महिनाअघि उद्योग वाणिज्य तथा आपूर्ति मन्त्रालय सम्हालेका यादवको हक्की स्वाभावका कारण प्रधानमन्त्री केपी शर्मा ओलीसँग बेलाबेलामा टसल पर्ने गर्दथ्यो ।
हटाइएका मन्त्रीमध्ये यादवको चर्चा सबैभन्दा धेरै थियो ।
उनले आफूले गर्न खोजेका कामहरू क्याविनेटमा अल्झाएर राखेको भन्दै पटक-पटक प्रधानमन्त्रीसँग असन्तुष्टि पोख्ने गर्दथे ।
बुधवार सत्तारूढ दलका अध्यक्ष पुष्पकमल दाहाल 'प्रचण्ड'सँग भएको भेटमा यादवले आफू मन्त्री भएर बसिरहन नचाहेको र प्रधानमन्त्रीसँग कुनै कुरा गर्नु नपर्ने सुझाव दिएका थिए ।
यसैगरी निवर्तमान महिला, बालबालिका तथा जेष्ठ नागरिकमन्त्री थममाया थापामगर आफू छोरीको घरमा सर्ने तयारीमा रहेको बताउँछिन् ।
'टोखामा छोरी बिजयाको घर छ, सोमवार त्यता सर्छु होला,' लोकान्तरसँगको कुराकानीमा थममायाले भनिन् ।' उनी सोमवारसम्म मन्त्री क्वार्टरमै बस्नेछिन् ।
२० महिना श्रम, रोजगार तथा सामाजिक सुरक्षा मन्त्रालय सम्हालेका निवर्तमान मन्त्री गोकर्ण विष्टको राजधानीस्थित सामाखुसीमा आफ्नै घर छ ।
विष्ट बिहीवारै आफ्नो घरमा सरिसकेका छन् ।
निवर्तमान कृषिमन्त्री चक्रपाणि खनाल सतुंगलस्थित भाइको घरमा सरेका छन् । खनाललाई प्रेस संयोजक बनेर सघाएका पत्रकार बोमलाल गिरीले खनाल बिहीवारै सतुंगल सरेको जानकारी दिए ।
'डेरा खोज्ने काम जारी छ,' गिरीले लोकान्तरसँग भने, 'केही दिनमा आफ्नै डेरामा सर्नुहोला ।'
गत सालको जेठमा सार्वजनिक भएको सबै मन्त्रीहरूको सम्पत्ति विवरणमा अहिले हटाइएका निवर्तमान भौतिक, पूर्वाधार तथा यातायातमन्त्री रघुवीर महासेठ सबैभन्दा धनी देखिएका थिए ।
ललितपुरको नख्खुमा उनको आफ्नै आलिशान बंगला छ । जग्गा जमिन पनि प्रसस्त छ ।
क्वार्टर भाग पुगेसम्म मन्त्रीहरू ललितपुरस्थित मन्त्री क्वार्टरमा सर्ने गर्दछन् । पहिला–पहिला जम्बो मन्त्रिपरिषद् हुँदा क्वार्टर नपुगेर केही मन्त्री बाहिरै बस्ने गरेका थिए, यद्यपि अहिले त्यस्तो समस्या छैन ।
सामान्यतया सुरक्षाको कारण देखाउँदै मन्त्रीहरूलाई क्वार्टरमै राख्ने गरिएको छ ।
सञ्चार तथा सूचना प्रविधि मन्त्री गोकुल बाँस्कोटा भने अहिले क्वार्टरबाहिर बस्ने गरेका छन् । उनी प्रधानमन्त्री केपी शर्मा ओलीको बालकोटस्थित निजी निवासमा बसेका छन् ।
मन्त्री क्वार्टरको व्यवस्थापनको जिम्मेवारी शहरी विकास मन्त्रालयअन्तर्गत भवन विभागले लिने गरेको छ ।
नवनियुक्त मन्त्रीहरू क्वार्टरमा जाँदा आफूले प्रयोग गर्ने भाँडाकुँडा, लत्ताकपडा, ओढ्ने ओछ्याउने सामानहरू आफैं लिएर जानुपर्ने हुन्छ भने फर्किंदा पनि आफ्नो सामान फिर्ता लान पाइन्छ ।
पलङ, फर्निचर, मन्त्री सचिवालयले प्रयोग गर्ने कुर्ची, टेबल, कम्प्युटर भने मन्त्रीहरूलाई प्रयोगका लागि मात्र उपलब्ध हुने गर्दछ ।
मन्त्री पदबाट पदमुक्त भइसकेपछि भवन विभागबाट रुजु गराएर गेट पास लिई बाहिर जान पाइन्छ
क्वार्टरमा मन्त्रीको सुविधाका लागि दिइने सामानहरू पदमुक्त भइसकेपछि लिएर निस्किन पाइँदैन ।
पदमुक्त भएका मन्त्रीहरूको ठाउँमा बिहिवारै नवनियुक्त मन्त्रीहरूले सिंहदरबार पुगेर आफ्नो कार्यभार सम्हालिसकेका छन् ।
नयाँ आएका ६ मन्त्रीमध्ये रामेश्वर राय यादवले श्रम, घनश्याम भुसालले कृषि, पार्वत गुरुङले महिला, बालबालिका तथा जेष्ठ नागरिक, लेखराज भट्टले उद्योग, हृदयेश त्रिपाठीले संघीय मामिला र बसन्त नेम्वाङले भौतिक पूर्वाधार तथा यातायात मन्त्रालयको जिम्मेवारी लिइसकेका छन् ।
कार्यसम्पादन मूल्यांकनका आधारमा पुराना मन्त्रीहरू हटाउने भनिएतापनि यसपालिको पुनर्गठन त्यस्तो नदेखिएको भन्दै आलोचना भइरहेको छ ।
कार्यसम्पादन मूल्यांकनमा अब्बल मानिएका केही मन्त्री समेत हटेका छन् ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...