आफ्नो कुखुराको हत्या गरेको भन्दै छिमेकीविरुद्ध मुद्दा दर्ता

आफ्नो छिमेकीले कुखुराको हत्या गरेको भन्दै भारतको विहारमा मुद्दा दर्ता भएको छ ।

दुर्गावती थाना क्षेत्रको तिरोजपुर गाउँ निवासी कमलादेवीको छिमेकीसँग कुनै अन्य विषयमा विवाद भएको थियो । दुई दिनदेखि विवाद चलिरहेपछि रिसै रिसमा कमलादेवीको एउटा कुखुरालाई उनको छिमेकीले समातेर मारिदिए ।


Advertisement

त्यसपछि कमलादेवी प्रहरी चौकीमा उजुरी गर्न पुगिन । उनले आफ्नो छोराको पनि कुटपिट भएको जाहेरी दिएकी छन् ।

प्रहरीले दुवै पक्षलाई मिलाउने कोशिस गरिरहेको थानाका इन्चार्जले स्थानीय सञ्चारमाध्यमहरूलाई बताएका छन् । दुवै पक्ष नमिलेपछि प्रहरीले मुद्दालाई अदालत लैजाने तयारी गरिरहेको छ ।


Advertisement

 

कमेन्ट गर्नुहोस्