ललितपुरको मेडिसिटी अस्पतालमा काम गर्ने एक डाक्टर बलात्कार प्रयासको आरोपमा पक्राउ परेका छन् ।

उनीमाथि अस्पतालमा उपचार गर्न आएकी एक युवतीमाथि बलात्कार गर्ने प्रयास गरेको आरोप लागेको छ ।

पक्राउ परेका डाक्टर रोहितकुमार झाले नियमित उपचारका लागि अस्पताल पुगेकी एक युवतीमाथि बलात्कार प्रयास गरेका थिए ।

युवतीले ललितपुरको महानगरीय परिसरमा उजुरी दिएपछि डाक्टर झा पक्राउ परेको महानगरीय प्रहरी परिसर ललितपुरले जानकारी दिएको छ ।