नक्कली कागजात बनाउने ३ जना पक्राउ

नक्कली सरकारी कागजात बनाउने ३ जनालाई प्रहरीको केन्द्रीय अनुसन्धान ब्यूरोले शुक्रवार पक्राउ गरेको छ ।

प्रहरीले सुरक्षा निकायका सरकारी कागजात, शैक्षिक योग्यताको प्रमाणपत्र, सवारी चालक अनुमतिपत्र लगायत सामग्री गैरकानूनी रुपमा बनाएको आरोपमा ओखलढुंगा ३४ वर्षीय सविनकुमार तोलाङ्गी, चितवनका ३४ वर्षीय अमृत सुर्खेती र धादिङका २६ वर्षीय मधुसुदन दवाडीलाई पक्राउ गरेको हो ।


Advertisement

ब्यूरोले शुक्रवार पत्रकार सम्मेलन गरी गैरकानूनीरूपमा नक्कली कागजात बनाई सर्वसाधारणबाट ठूलो रकम असुल गर्नेलाई पक्राउ गरेको जानकारी दिएको हो ।

ब्यूरोका प्रमुख प्रहरी नायब महानिरीक्षक नीरजबहादुर शाहीले तोलाङ्गीले श्रेष्ठ फोटोे स्टुडियो गोंगबु, सुर्खेतीले स्टार डिजिटल फोटो स्टुडियो सिनामंगल र दवाडीले दुवाडी डिजिटल फोटो स्टुडियो महाराजगञ्जबाट सरकारी नक्कली कागजात बनाएको अनुसन्धानमा खुलेको जानकारी दिए ।


Advertisement

अपराध मुलुकी अपराध संहिता २०७४ को परिच्छेद २५ लिखतसम्बन्धी कसूरअन्तर्गत दफा २७६ विपरीत कसूर भएकाले २७६ (३)(ग) बमोजिम ७ वर्ष कैद र ७० हजार जरिवना हुने कानूनी प्रावधान छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्