एमजी जेडएस इलेक्ट्रिक गाडीमा ग्राहकको उत्साहजनक प्रतिक्रिया, नेपालमा पनि १५० थान बुकिङ

९६ वर्ष पुरानो ब्रिटिस ब्राण्ड एमजी (मोरिस ग्यारेज) एमजी जेडएस इलेक्ट्रिक गाडीको नेपालमा १ सय ५० थान बुकिङ भएको छ । 

कम्पनीको नेपालका लागि आधिकारिक वितरक पारामाउन्ट मोटर्स प्रा.लि.ले गत जुलाईमा यसको प्रिबुकिङ खुलाएको थियो । नेपाली बजारमा यसको शुरूवाती मूल्य ४९ लाख ९९ हजार रहेको छ । 
वितरकका अनुसार, अहिलेसम्म कम्पनीले एमजी जेडएस इभीका लागि १५० थान भन्दा बढि बुकिङ प्राप्त गरिसकेको छ । 


Advertisement

युरोप, नेदरल्याण्ड, नर्वे, भारत, श्रीलंका, थाइल्याण्ड, इन्डोनेशिया, चिली, अष्ट्रेलिया, न्यूजील्याण्ड, मिडल इस्ट र नेपालमा यसको माग उच्च देखिएको छ । कम्पनीका अनुसार , एमजी जेडएस इभीका लागि युरोपबाट ३००० अर्डर प्राप्त गरेको छ । 
५०० थान एमजी जेडएस यही महिनामा नेदरल्याण्ड र नर्वेमा निर्यात गरिने कम्पनीले जनाएको छ । 
यो गाडीले युके, नेदरल्याण्ड र नर्वेमा सार्वजनिक भएदेखिनै सकरात्मक प्रतिक्रिया प्राप्त गर्याे र ३ वटा देशबाट ३००० भन्दा बढि अर्डरहरु प्राप्त गरिसकेको छ ।  
एमजीले लन्डन, सिलिकन भ्याली, टेल अभिभमा रिसर्च एण्ड डेभलप्मेन्ट सेट गरेर थाइल्याण्ड, इन्डोनेशिया र भारतमा सवारी साधन निर्माण स्थापना गरेर ९३ वटा ओभरसि अर्टो पार्ट निर्माण गरेर विश्वभर पूर्ण अटो उद्योग संञ्जाल स्थापना गरेको छ । एमजीका उत्पादनहरु विश्वभरका ६० भन्दा बढि देशहरुमा बिक्री हुन्छ ।
यो नयाँ एसयूभीमा सुरक्षालाई सुनिश्चित गर्दै ६ वटा एयरब्याग छ साथै प्रिमियम प्यानारोमिक सनरुफ र आरमदायीक इलेक्ट्रिकल समायोज्य सिटजस्ता विशेषताहरु रहेको छ । यसबाहेक यो गाडीमा ३ वटा ड्राइिभिङ मोडहरु रहेको छ जसमा चालकहरुले आफूलाई मनपर्ने ढंगबाट गाडी चलाउन सक्छन् ।


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्