भ्रष्टाचार आरोपमा नर्सविरुद्ध आरोपपत्र दायर

नक्कली बिल भरपाई पेश गरी सरकारी रकम भ्रष्टाचार गरेको आरोपमा अख्तियार दुरुपयोग अनुसन्धान आयोगले जिल्ला स्वास्थ्य कार्यालय पाल्पामा कार्यरत कल्पना पौडेल (पब्लिक हेल्थ नर्सिङ छैटौं) विरुद्ध बुधवार विशेष अदालतमा मुद्दा दायर गरेको छ । 

जिल्ला जनस्वास्थ्य कार्यालयबाट परिवार नियोजन शिविर सञ्चालन गर्ने क्रममा बन्ध्याकरणका आवश्यक सरसामान ढुवानी गर्ने, लाभग्राही लिन र पुर्‍याउने जाने प्रयोजनका लागि गाडी भाडामा लिँदा ८१ हजार रुपैयाँको फर्जी बिल बनाई सरकारी सम्पत्तिको हानी नोक्सानी गरेको भन्दै आयोगले मुद्दा दायर गरेको हो ।


Advertisement

निज पौडेललाई सोही रकम बराबरको बिगो माग दाबी गर्दै आरोपपत्र दायर गरिएको आयोगका प्रवक्ता प्रदीपकुमार कोइरालाले जानकारी दिए ।

यसैगरी सेवाग्राहीसँग घुस लिँदालिँदै आयोगको टोलीले भूमिसुधार तथा मालपोत कार्यालय भक्तपुरमा कार्यरत २ कर्मचारीलाई नियन्त्रणमा लिएको छ । सो कार्यालयमा कार्यरत नायब सुब्बा नारायणराज मिश्रले सेवाग्राहीको मोही लगत कट्टा गर्ने प्रयोजनका लागि सोही कार्यालयका कार्यालय सहयोगी (करार) भाइकाजी गौतमलाई ४० हजार रुपैयाँ घुस दिन लगाएको आयोगले जनाएको छ ।


Advertisement

सेवाग्राहीबाट उक्त घुस रकम लिइसकेको अवस्थामा कार्यालय परिसरबाट दुवै जनालाई नियन्त्रणमा लिइएको र अनुसन्धान भइरहेको प्रवक्ता कोइरालाले जानकारी दिए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्