कात्तिक २५, २०८०
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
मंसिर १९, २०७६
राजधानी काठमाडौंको सडक पैदल यात्रीका लागि निकै असुरक्षित बनेको छ । बढ्दो सवारी चाप र ट्राफिक नियम पालना नगर्ने प्रवृत्तिका कारण पैदल यात्रीहरूले सडकमा असुरक्षित बन्नुपरेको हो ।
त्यसो त पैदल यात्रा गर्नेहरूमध्ये कमैले मात्र ट्राफिक नियमको पालना गर्छन् । आकाशे पुल र जेब्राक्रस हुँदाहुँदै जथाभावी सडक पार गर्ने गरेको देखिन्छ, जसका कारण पनि दुर्घटना निम्तिने गरेको छ ।
महानगरीय ट्राफिक प्रहरीको तथ्यांकलाई हेर्ने हो भने आर्थिक वर्षमा २०७५/०७६ मा राजधानी काठमाडौंको सडकमा पैदलयात्रा गर्ने ९३ जनाले सडक दुर्घटनामा परी ज्यान गुमाएका छन् ।
चालू आर्थिक वर्षको पहिलो ४ महिनामा यसरी मृत्यु हुने पैदल यात्रीको संख्या २९ पुगिसकेको छ । ‘पछिल्लो ४ महिना (२०७५/७६ को असार मसान्तपछि) मा काठमाडौं उपत्यकामा सवारी दुर्घटनामा परी २९ जना पैदल यात्रीको ज्यान गइसकेको छ,’ महानगरीय ट्राफिक प्रहरी महाशाखाका प्रवक्ता प्रहरी उपरीक्षक (एसपी) रवि पौडेलले लोकान्तरसँग भने ।
कतिपयले त जेब्राक्रसमै पनि सवारीको ठक्करबाट ज्यान गुमाएका छन् ।
‘सडकमा सवारी चलाउँदा कुनैपनि सवारीले जेब्राक्रसअगाडि गाडीको गति घटाएको देखिँदैन, चालकमा विवेकको कमी छ,’ एसपी पौडेलले भने ।
केही दिनअघि मर्निङवाकमा रहेका सिभिल अस्पतालका डाक्टर प्रभु जोशीको बानेश्वरमा गाडीको ठक्करबाट मृत्यु भएको थियो ।
जनचेतनाका लागि ८ सयभन्दा बढी स्वयंसेवक
उपत्याकामा ट्राफिक जनचेतना कमी देखिन्छ । विद्यालय तथा कलेजबाट ट्राफिक सचेतना फैलाउन महाशाखाले अहिलेसम्म विभिन्न कलेज तथा स्कूलका ८ सय ४० जना स्वयंसेवक खटाएको एसपी पौडलले लोकान्तरलाई जानकारी दिए ।
पहिलो चरणमा वैशाखमा विभिन्न कलेजका ५ सयजना विद्यार्थीलाई स्वयंसेवकको रूपमा खटाइएको थियो भने पछिल्लो समयमा ३ सय ४० जना विद्यार्थी खटाइएको छ ।
‘कलेजका विद्यार्थीहरूले प्रत्यक्षरूपमा ट्राफिक नियमका बारेमा बारेमा ज्ञान पाऊन् र उनीहरूले अरूलाई पनि सिकाऊन् भन्ने उद्देश्यले विद्यार्थीलाई खटाएका हौं,’ एसपी पौडलले भने ।
काठमाडौं उपत्यकामा दुर्घटनाको अवस्था
काठमाडौं उपत्यकामा गत आर्थिक वर्षमा २ सय ५४ जनाको सडक दुर्घटनामा परी ज्यान गएको छ । ३ सय १७ जना गम्भीर घाइते भएका छन् भने ५ हजार ८ सय ९० जना सामान्य घाइते भएको तथ्यांक छ ।
उपत्यकामा ८ हजार सवारी चालक कारवाहीमा
काठमाडौंमा प्रत्यक्षबाहेक सीसीटीभीको मद्दतबाट पनि दैनिक कयौं सवारी चालक कारवाहीमा पर्ने गरेका छन् ।
आर्थिक २०७५/०७६ को तथ्यांकलाई हेर्ने हो भने २०७४ माघ २५ गतेदेखि २०७६ असार मसान्तसम्म ८ हजार ९ सय ३१ जना सवारी चालक कारवाहीमा परेका छन् ।
आर्थिक वर्ष २०७४/०७५ मा ५ सय ५१ जना र आर्थिक वर्ष ८ हजार ३ सय ८० वटा सवारी कारवाहीमा परेका छन् । सीसीटीभीबाट २०७४ माघ २५ गतेबाट ट्राफिक प्रहरीले शुरूआत गरेको थियो ।
२०७५ साउनमा २ सय ५६ वटा, भदौमा १ सय ८६, असोजमा २ सय १८ वटा, कात्तिकमा १ सय ६१ वटा, मंसिरमा १ सय ४४ वटा, पुसमा १ सय ४६ वटा, माघमा १ सय ५० वटा, फागुनमा १ सय ६० वटा, चैतमा १ सय ५१ वटा, २०७६ वैशाख १ सय ६५ वटा, जेठमा १ सय ५० वटा र असारमा १ सय १० जना गरी १ हजार ९ सय ९७ वटा सवारीसाधनका चालक कारवाहीमा परेका छन् ।
महानगरीय प्रहरी कार्यालयमा सीसीटीभीबाट रेकर्ड भएको भिडियो फूटेजको आधारमा ट्राफिक प्रहरी महाशाखाले घरबाटै बोलाएर कारवाही गर्ने गरेको एसपी पौडेलले जानकारी दिए ।
महानगरीय प्रहरी कार्यालयले ‘अन द स्पट’ समेत कारवाही गर्ने गरेको छ ।
२०७५ साउनमा ३ सय ६५ वटा, भदौमा १ सय ८४, असोजमा २ सय वटा, कात्तिकमा १ सय ५ वटा, मंसिरमा १ सय ६६ वटा, पुसमा २ सय ७७ वटा, माघमा २ सय २९ वटा, फागुनमा ३ सय ६३ वटा, चैतमा ४ सय ४६ वटा, २०७६ वैशाख ९ सय ९४ वटा, जेठमा ८ सय ५६ वटा र असारमा १ हजार १ सय २९ जना गरी ५ हजार ३ सय १४ वटा सवारी साधनका चालक कारवाहीमा परेका छन् ।
‘सर्भिलियन्स भेहिकल’बाट २०७५ साउनमा १ सय ६ वटा, भदौमा १ सय ५२, असोजमा १ सय ४२ वटा, कात्तिकमा १ सय ५० वटा, मंसिरमा ८२ वटा, पुसमा ९९ वटा, माघमा ९८ वटा, फागुनमा ५७ वटा, चैतमा ५४ वटा, २०७६ वैशाख ५५ वटा, जेठमा ३९ र असारमा ३५ वटा गरी १ हजार ६९ वटा सवारीका चालक कारवाहीमा परेको ट्राफिक प्रहरी महाशाखाको तथ्यांकमा उल्लेख छ ।
ट्राफिक प्रहरीले काठमाडौंमा सीसीटीभी निगरानीलाई २०७४ माघ २५ गतेबाट प्रयोगमा ल्याएको थियो । ‘सर्भिलियन्स भेहिकल’बाट कारवाही गर्ने अभ्यास २०७५ जेठ ११ गतेबाट शुरू भएको हो ।
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...