असोज २६, २०८०
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
मंसिर २०, २०७६
गाउँका सिंहदरबार भनिएका स्थानीय तहलाई भ्रष्टाचारले गाँज्न थालेको छ । स्थानीय तहमा भएका आर्थिक अनियमितता (भ्रष्टाचार)का उजुरीको चाङ अख्तियार दुरूपयोग अनुसन्धान आयोगमा छ ।
कर्णाली प्रदेशभित्रका स्थानीय तहविरुद्ध पनि सयौंको संख्यामा उजुरी अख्तियारमा परेका छन् । अख्तियारको कार्यालय सुर्खेतका अनुसार कर्णाली प्रदेशका १० जिल्लामध्ये सबैभन्दा बढी उजुरी दैलेखका स्थानीय तहविरुद्ध परेका छन् । दैलेखका ११ स्थानीय तहविरुद्ध ७५ उजुरी परेका छन् ।
दोस्रोमा सुर्खेतका ९ स्थानीय तहविरुद्ध ४५ वटा उजुरी परेको अख्तियारले जनाएको छ । अख्तियारमा उजुरी परेका कर्णालीका स्थानीय तहको कुल संख्या ७९ रहेको छ ।
सुर्खेतबाट ४५ उजुरी
कर्णाली प्रदेशको राजधानी रहेको वीरेन्द्रनगर नगरपालिकाविरूद्ध अख्तियारमा हालसम्म ९ वटा उजुरी दर्ता भएका छन् । नगरपालिकाका विभिन्न योजनामा रकम दुरुपयोग भएको भन्दै ती उजुरी दर्ता भएपनि अख्तियारले हालसम्म ६ वटा उजुरीको किनारा लगाइसकेको छ भने तीनवटा उजुरीको किनारा लगाउन बाँकी रहेको छ ।
ती तीनवटा उजुरीमाथि अनुसन्धान भइरहेको अख्तियार सुर्खेतका सूचना अधिकारी मेघनाथ सापकोटाले जानकारी दिए ।
प्राप्त विवरणअनुसार सुर्खेतकै भेरीगंगा नगरपालिकाविरुद्ध १४ उजुरी दर्ता भएका छन् । ती मध्ये ४ उजुरीको छानबिन टुंगिएको छ भने १० वटाको अनुसन्धान भइरहेको छ । पञ्चपुरी नगरपालिकाविरुद्ध २ उजुरी दर्ता भएका छन् एक उजुरी फर्छ्यौट भइसकेको छ भने एक उजुरीमाथि अनुसन्धान भइरहेको छ । गुर्भाकोट नगरपालिकाका ७ वटा उजुरी दर्ता भएकामा ४ को अनुसन्धान भइरहेको छ भने तीन उजुरी अनुसन्धानकै क्रममा रहेका छन् ।
लेकबेसी नगरपालिकाका पाँच उजुरीमा २ उजुरीको फर्छ्यौट भइसकेको छ भने ३ को अनुसन्धान भइरहेको छ । बराहताल गाउँपालिकाविरुद्ध तीन उजुरी आएकोमा तीनवटै उजुरीमाथि छानबिन गर्न बाँकी छ ।
चिङगाड गाउँपालिकाविरुद्ध १ मात्रै उजुरी परेको छ भने उक्त उजुरीमाथि छानबिन हुन बाँकी नै रहेको छ । चौकुने गाउँपालिकाविरुद्ध पनि एक उजुरी दर्ता भएकोमा उक्त उजुरीमाथि अनुसन्धान भइरहेको छ । सिम्ता गाउँपालिकाविरुद्ध तीन उजुरी परेकोमा तीनै उजुरीको फर्छ्यौट भएको अख्तियारको कार्यालयले जनाएको छ ।
दैलेखबाट ७५ उजुरी
एघारवटा स्थानीय तह रहेको दैलेखमा ७५ वटा उजुरी अख्तियारमा आएका छन् भने तीमध्ये २१ वटा उजुरीको अख्तियारले फछर्यौट गरिसकेको छ । ५४ वटा उजुरीको अनुसन्धान भइरहेको छ ।
नारायण नगरपालिकाविरुद्ध ९ उजुरी परेकोमा अख्तियारले तीनवटा उजुरीको फर्छ्यौट गरेको छ भने ६ वटाको अनुसन्धान भइरहेको छ । दुल्लु नगरपालिकाविरुद्धका ७ उजुरीमध्ये ४को फछर्यौट भएको छ भने तीनवटा उजुरीमाथि अनुसन्धान भइरहेको छ । आठबीस नगरपालिकाका ८ उजुरीमध्ये ७ वटा अनुसन्धानका क्रममा रहेका छन् भने एक उजुरीको किनारा लागेको अख्तियारले उपलब्ध गराएको विवरणमा उल्लेख छ ।
चामुण्डाविन्द्रासैनी नगरपालिकाविरुद्ध ६ उजुरी आएकोमा सबैको अनुसन्धान भइरहेको छ ।
गुराँस गाउँपालिकाका ७ उजुरीमध्ये चारवटा अनुसन्धानकै क्रममा रहेका छन् । डुंगेश्वर गाउँपालिकाका ४ उजुरीमध्ये दुई अनुसन्धानकै क्रममा रहेका छन् भने दुई उजुरीको टुंगो लाग्न बाँकी रहेको छ । भगवतीमाई गाउँपालिकाका पाँच उजुरीमध्ये तीन उजुरीमाथि अनुसन्धान भइरहँदा २ उजुरी किनारा लागेका छन् । नौमुले गाउँपालिकाविरुद्ध ११ उजुरी अख्तियारमा परेकोमा ८ उजुरीको अनुसन्धान भइरहेको छ भने ३ उजुरी फर्छ्यौट भएका छन् ।
महाबु गाउँपालिकाविरुद्ध १२ उजुरी परेकोमा २ उजुरी फर्छ्यौट भएको छ भने १० उजुरीको अनुसन्धान अख्तियारले गरिरहेको छ । भैरवी गाउँपालिकाविरुद्ध ४ उजुरी परेकोमा चारवटै उजुरीमाथि अनुसन्धान भइरहेको सूचना अधिकारी सापकोटाले जानकारी दिए । उनका अनुसार ठाँटीकाँध गाउँपालिकाविरुद्ध २ उजुरी परेकोमा एक उजुरी फर्छ्यौट भएको छ भने एक उजुरीमाथि अनुसन्धान भइरहेको छ ।
कालिकोटका स्थानीय तहविरुद्ध ४१ उजुरी
कालिकोट जिल्लाका नौवटा स्थानीय तहविरुद्ध अख्तियारमा ४१ वटा उजुरी परेका छन् । अख्तियारले ती उजुरीमध्ये ६ वटाको मात्रै फर्छ्यौट गरेको छ भने ३५ वटा अनुसन्धानको क्रममा रहेको बताएको छ ।
जिल्ला सदरमुकामसमेत रहेको खाँडाचक्र नगरपालिकाकाका ५ उ्जुरीमध्ये पाँचैको अनुसन्धान भइरहेको छ । तिलागुफा नगरपालिकाविरुद्ध तीन उजुरी परेकोमा तीनैको अनुसन्धान भइरहँदा रास्कोट नगरपालिकाविरुद्धको एक उजुरीको फर्छ्यौट भएको छ र पाँचवटाको अनुसन्धान भइरहेको छ । शुभकालिका गाउँपालिकाविरुद्धको उजुरीको अनुसन्धान भइरहेको छ । नरहरिनाथ गाउँपालिका विरुद्धका दुई उजुरीमध्ये एक उजुरीको फर्छ्यौट भएको छ ।
पचालझरना गाउँपालिकाका तीन उजुरी अनुसन्धानकै क्रममा रहेका छन्, पलाता गाउँपालिकाका सात उजुरीमध्ये एक उजुरीको फर्छ्यौट भएको छ भने महावै गाउँपालिकाको एक उजुरी अनुसन्धानकै क्रममा रहेको छ । सान्नी त्रिवेणी गाउँपालिकाका ११ मध्ये तीन उजुरीको फर्छ्यौट हुँदा ८ उजुरीको अनुसन्धान भइरहेको अख्तियारले जनाएको छ ।
सल्यानका स्थानीय तहविरुद्ध २८ उजुरी
सल्यान जिल्लामा १० वटा स्थानीय तह रहेका छन् । अख्तियारमा जम्मा २८ उजुरी आएकोमा १२ उजुरी फर्छ्यौट भएको छ भने १६ उजुरीको अनुसन्धान भइरहेको छ । शारदा नगरपालिकाका पाँचमध्ये एकको मात्रै फर्छ्यौट भएको छ । बनगाड कुपिण्डे नगरपालिकाको दुईमध्ये एक उजुरीको फर्छ्यौट भएको छ । सिद्धकुमाख गाउँपालिकाका ८ मध्ये ४ उजुरीको फर्छ्यौट भएको छ बाँकीको अनुसन्धान भइरहेको छ ।
दार्मा गाउँपालिकाको एक उजुरी अनुसन्धानकै क्रममा रहेको छ भने कुमाख गाउँपालिकाका चार उजुरीमध्ये एकको मात्रै फर्छ्यौट भएको छ, तीनवटा अनुसन्धानमै छन् । कपुरकोट गाउँपालिकाका एक उजुरी अनुसन्धानमै रहेको छ भने कालिमाटी गाउँपालिकाका दुई उजुरीमध्ये एक उजुरी फर्छ्यौट भएको अख्तियारले जनाएको छ ।
त्रिवेणी गाउँपालिकाविरुद्ध एक उजुरी आएकोमा फर्छ्यौट भएको छ र छत्रेश्वरी गाउँपालिकाका चार उजुरीमध्ये दुई उजुरी फर्छ्यौट भएका छन् ।
मुगुमा १२, मुगुकर्मारोङमा शून्य उजुरी
मुगु जिल्लाका स्थानीय तहविरुद्ध १२ उजुरी परेका छन् । तीमध्ये २ वटा उजुरी फर्छ्यौट भएकोमा १० वटा बाँकी छन् ।
जिल्लाको छायाँनाथ रारा नगरपालिकाबाट अख्तियार दुरुपयोग अनुसन्धान आयोगको कार्यालय सुर्खेतमा ८ वटा उजुरी दर्ता भएकोमा एउटा उजुरी फर्छ्यौट भएको छ । ७ वटा उजुरी फर्छ्यौट हुन बाँकी छन् ।
सोरु गाउँपालिकाबाट परेका एउटा उजुरी पनि फर्छ्यौट हुन सकेको छैन । मुगुमकार्मारोङ गाउँपालिकाविरुद्ध भने एउटा पनि जुरी परेको छैन ।
खत्याड गाउँपालिकाका ३ वटा उजुरीमध्ये एउटा उजुरी फर्छ्यौट भई २ वटा बाँकी छन् ।
डोल्पाबाट ९ उजुरी, ४ स्थानीय तहविरुद्ध शून्य
डोल्पाका ८ स्थानीय तहबाट जम्मा ९ वटा उजुरी परेका छन् । तीमध्ये २ वटा उजुरी फर्छ्यौट भई ७ वटा फर्छ्यौट हुन बाँकी छन् । जिल्लाका चारवटा स्थानीय तहविरुद्ध एउटा उजुरी पनि परेको छैन । ठूलीभेरी नगरपालिकाबाट अख्तियारमा परेका ३ वटा उजुरीमध्ये एउटा उजुरी फर्छ्यौट भई २ वटा बाँकी छन् ।
त्रिपुरासुन्दरी नगरपालिकामा ४ वटा उजुरीमध्ये १ वटा उजुरी फर्छ्यौट भई ३ वटा उजुरी अनुसन्धानकै क्रममा रहेका छन् । डोल्पोबुद्ध गाउँपालिका, से–फोक्सुन्डो गाउँपालिका र जगदुल्ला गाउँपालिकाविरुद्ध पनि अख्तियारमा उजुरी छैन । मुड्केचुला गाउँपालिकाविरुद्ध एउटा उजुरी परेकोमा फछ्र्योट भएको छैन । छार्कातोङसोङ गाउँपालिकाविरुद्ध एउटा पनि उजुरी परकोे छैन ।
जुम्लाबाट २९ उजुरी
जुम्ला जिल्ला स्थानीय तहबाट अख्तियारमा परेका २९ उजुरीमध्ये ५ वटाको फर्छ्यौट भएको छ भने २४ वटा उजुरी अनुसन्धानकै क्रममा रहेका छन् ।
जुम्लाको चन्दनाथ नगरपालिकाका १० वटा उजुरी परेकोमा १ वटा फर्छ्यौट भई बाँकी ९ वटा उजुरी अनुसन्धानका क्रममा छन् । कनका सुन्दरी गाउँपालिकाविरुद्ध एउटा उजुरी परेकोमा सो पनि बाँकी छ । सिंजा गाउँपालिकाको २ वटा उजुरीमध्ये २ वटै फर्छ्यौट हुन बाँकी छन् । हिमा गाउँपालिकाको ५ वटा मध्ये १ वटा उजुरी फर्छ्यौट भएको छ भने ४ वटा उजुरी अनुसन्धानकै क्रममा रहेका छन् ।
तिला गाउँपालिकाका २ वटा उजुरीमध्ये एउटा उजुरी फर्छ्यौट भएको छ भने एउटा बाँकी छ । गुठिचौर गाउँपालिकाका २ वटा उजुरीमध्ये २ ओटै बाँकी छन् । तातोपानी गाउँपालिकाका ५ वटा उजुरीमध्ये २ उजुरी फर्छ्यौट भएका छन् भने ३ वटा बाँकी छन् ।
पातारासी गाउँपालिकाका २ वटा उजुरीमध्ये २ ओटै अनुसन्धानमा छन् ।
रुकुमबाट २७ उजुरी
रुकुम पश्चिमका स्थानीय तहका २७ उजुरीमध्ये ११ वटा उजुरी फर्छ्यौट भएका छन् । १६ वटा अनुसन्धानकै क्रममा रहेका छन् ।
मुसिकोट नगरपालिकाविरुद्ध ४ वटा उजुरी अख्तियारमा परेकोमा २ वटा उजुरी फर्छ्यौट भएका तथा २ वटा बाँकी छन् । चौरजहारी नगरपालिकाका ५ वटा उजुरीमध्ये २ वटा उजुरी फर्छ्यौट भएका तथा ३ वटा बाँकी रहेका छन् ।
आठबीसकोट नगरपालिकाका २ वटा उजुरीमध्ये एउटा उजुरी फर्छ्यौट भएको छ भने एउटा बाँकी छ । बाँफिकोट गाउँपालिकाका २ वटा उजुरीमध्ये एउटा बाँकी छ । त्रिवेणी गाउँपालिकाका ४ वटा उजुरीमा एउटा उजुरी फर्छ्यौट भई ३ वटा बाँकी छन् । सानीभेरी गाँउपालिकाका १० वटा उजुरीमध्ये ४ वटा उजुरी फर्छ्यौट भई ६ वटा बाँकी छन् ।
हुम्लामा १४ उजुरी, सबै अनुसन्धानकै क्रममा
हुम्ला जिल्लाका स्थानीय तहका अख्तियार कार्यालयमा १४ उजुरी परेका छन् । तीमध्ये १४ वटै उजुरी फर्छ्यौट हुन बाँकी छन् ।
सिमकोट गाँउपालिकाका २ वटा नाम्खा गाँउपालीकाको १ वटा, खार्पुनाथ गाँउपालिकाका एउटा, सर्केगाड गाँउपालिकाको एउटा, चंखेली गाँउपालिकाका ४ वटा, अदानचुली गाँउपालिकाका ४ वटा र ताँजाकोट गाउँपालिकाका १ वटा उजुरीमाथि अनुसन्धान भइरहेको अख्तियार दुरुपयोग अनुसन्धान आयोगले जनाएको छ ।
जाजरकोट जिल्लाबाट ३८ उजुरी
जाजरकोट जिल्लाका स्थानीय तहविरुद्ध ३८ उजुरी अख्तियारमा परेका छन् । तीमध्ये ७ वटा उजुरी फर्छ्यौट भई ३१ वटा उजुरी अनुसन्धानकै क्रममा रहेका छन् ।
भेरी नगरपालिकाका ८ वटा उजुरी अख्तियारमा परकोमा ३ वटा उजुरी फर्छ्यौट भई ५ वटा उजुरी अनुसन्धानकै क्रममा रहेका छन् । छेडागाड नगरपालिकाका ४ वटा मध्ये १ वटा उजुरी फर्छ्यौट भई ३ वटा बाँकी छ । नलगाड नगरपालिकाविरुद्ध एउटा उजुरी परेकोमा फर्छ्यौट हुन बाँकी छ । कुशे गाउँपालिकाका ६ वटा उजुरी अनुसन्धानकै क्रममा छन् ।
जुनीचाँदे गाउँपालिकाका १३ वटा उजुरीमध्ये ३ वटा उजुरी फर्छ्यौट भई १० वटा उजुरी फर्छ्यौट हुन बाँकी छन् । बारेकोट गाँउपालिकाका ३ वटा उजुरीमध्ये ३ वटै उजुरी फर्छ्यौट हुन बाँकी छ ।
शिवालय गाउँपालिकाको ३ वटामध्ये ३ वटै उजुरी फर्छ्यौट हुन बाँकी छ ।
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
पश्चिम नवलपरासीका एमाले नेता थानप्रसाद गैरेले सरकारी विद्यालयको जग्गा बिक्री गरेको अख्तियार दुरुपयोग अनुसन्धान आयोगले लगाएको छ । उनले सरकारी जग्गा अतिक्रमण गरी बिक्री गरेको भन्दै अख्तियारले छानबिन गरी कारबाही ...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...