बन्ने भयो जोरपाटी–सुन्दरीजल सडक

प्राविधिक, सामाजिक तथा कानुनी कारणले सङ्कटमा जेलिएको जोरपाटीबाट सुन्दरीजल जाने सडक बन्ने भएको छ ।

लामो समय धुलो र हिलोले सरकारकै आलोचना हुने मुख्य एजेन्डाजस्तै बनेको यो सडक निर्माणका लागि भौतिक पूर्वाधार तथा यातायात मन्त्रालयले विशेष चासो लिएपछि सडक बन्न लागेको हो । त्यसका लागि भौतिक पूर्वाधार तथा यातायातमन्त्री बसन्तकुमार नेम्वाङले स्थानीयवासी सहभागी गराई विशेष पहल गरेका छन् ।


Advertisement

जोरपाटी–सुन्दरीजल सडकखण्ड विस्तारका लागि बिहीबार सरोकारसँग भएको बैठकले नयाँ स्वरूप दियो । स्थानीयवासीसँग संयुक्त बैठक बसेर पाँच निर्णय गरिऐको छ ।

निर्णयलाई कार्यान्वयन गर्ने गरी शुक्रबार केही काम पनि भएको छ । बैठकमा सहभागी सो क्षेत्रका सङ्घीय सांसद कृष्ण राईका अनुसार जहाँ जस्तो सम्भव हुन्छ सडक बनाई छाड्ने प्रतिबद्धता गरी त्यसैअनुसार काम थालिएको छ ।


Advertisement

'स्थानीय सरकारलगायत सबै सरोकारवालाले प्रतिबद्धता जनाएर सोअनुसार काम पनि शुरू गरिएको हो,' उनले थपे ।

लामो समयदेखि अन्योलमा रहेको यो सडक बनाउन सर्वपक्षीय सहमति भएपछि निर्माण कार्य अगाडि बढ्नेमा आशावादी रहेको काठमाडाैं उपत्यका सडक विस्तार आयोजनाका प्रमुख अर्जुन अर्यालले बताए। उनका अनुसार सडकक्षेत्रमा पर्ने घरटहरा र रुख हटाउन शुरूगरिएको छ ।

अब सार्वजनिक स्थलक्षेत्रमा २२ मिटर सडक चौडा भए पनि विवाद भएका समस्या ग्रस्त क्षेत्रमा न्यूनतम १४ मिटर सडक क्षेत्र रेखाङ्कन गर्ने र बाटो बनाउनेमा गोकर्णेश्वर नगरपालिका, स्थानीय सरोकारवाला र सो क्षेत्रबाट प्रतिनिधित्व गर्ने प्रदेश तथा सङ्घीय संसद् सहमत भएका छन् । 'नगरपालिकादेखि स्थानीय र मन्त्रीस्तरबाट समेत सरोकारवाला सबैको सहमति भएकाले हामी बाटो बन्नेमा आशावादी छाैं,' अर्यालले भने, 'शुक्रबार सडक विस्तारका लागि थप रेखाङ्कनको काम पनि भएको छ ।' गोरखापत्र दैनिकमा खबर छ । 

छापाबाट
छापाबाट

लेखकबाट थप...

कमेन्ट गर्नुहोस्