धनुषामा शक्तिशाली बम विस्फोट : प्रहरी निरीक्षकसहित ३ जनाको मृत्यु, ३ गम्भीर घाइते

अजय अनुरागी
अजय अनुरागी

अजय अनुरागी लोकान्तरका लागि प्रदेश नम्बर दुई प्रतिनिधि हुन् । 

फाइल तस्वीर

धनुषामा मध्यराति शक्तिशाली बम विस्फोट हुँदा ३ जनाको मृत्यु भएको छ  भने ३ जना गम्भीर घाइते भएका छन् । 

धनुषाको क्षिरेश्वरनाथ नगरपालिका ५ महेन्द्रनगर बजारमा शुक्रबार मध्यराति भएको बम विस्फोटमा स्थानीय ४६ वर्षका राजेश्वर साह र उनका छोरा अन्दाजी २४ वर्षका आनन्द साहको घटनास्थलमै मृत्यु भएको हो। यस्तै घटनामा गम्भीर घाइते भएका प्रहरी निरीक्षक अमिर दाहालको पनि मृत्यु भएको जिल्ला प्रहरी कार्यालय घनुषाका डीएसपी रामेश्वर कार्कीले लोकान्तरलाई जानकारी दिए । 


Advertisement

शुक्रबार राति १२ बजे राजेश्वरको घरको शौचालय नजिक छाडिएको बम विस्फोट भएको हो। बम हो वा होइन भनी अनुसन्धान गर्न इलाका प्रहरी कार्यालय सखुवा महेन्द्रनगरबाट प्रहरी टोली गएको थियाे । टोली पुग्नेबित्तिकै विस्फोट भएको हो। 

विस्फोटमा परी  प्रहरी जवान रिजन महतो,  मृतक घरमुली राजेश्वर साहका अर्का छोरा प्रकाश र छोरी अञ्जली गम्भीर घाइते भएका छन्। जनकपुर प्रादेशिक अस्पतालमा उपचार सम्भव नभएपछि उनीहरुलाई धरान लगिएको छ।


Advertisement

अजय अनुरागी
अजय अनुरागी

लेखकबाट थप...

कमेन्ट गर्नुहोस्