युवा मृत अवस्थामा फेला

गुल्मीमा १ युवा मृत अवस्थामा फेला परेका छन् । 

गुल्मीको धुर्कोट गाउँपालिका–४ को जैसिथोकमा सोही स्थान बस्ने २२ वर्षीय कमल खत्री मृत अवस्थामा फेला परेको जिल्ला प्रहरी कार्यालय गुल्मीका प्रहरी उपरीक्षक राजेन्द्रसिंह खड्काले बताए ।


Advertisement

शुक्रवार बेलुकी घरबाट निस्केका खत्री रातिसम्म पनि घर नफर्केपछि शनिवार खोज्दै जाने क्रममा उनलाई घर नजिकै बाटोबाट २ सय मिटर तल मृत अवस्थामा फेला परेको उनले बताए ।

प्रहरीले घटनास्थलको मुचुल्का बनाई शव परीक्षणका लागि जिल्ला अस्पताल तमघासमा ल्याउने तयारी गरेको बताइएको छ । ३ वर्षपछि कुलपूजाको लागि भनेर घर आएका खत्री शुक्रवार बेलुका कुलपूजाका निम्तालुलाई खाना खुवाएर सकेपछि घरबाट बाहिर निस्केका थिए ।


Advertisement

घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।

कमेन्ट गर्नुहोस्