अध्यक्ष पुष्पकमल दाहाल ‘प्रचण्ड’को राजनीतिक प्रतिवेदनमाथि नेकपा स्थायी समिति बैठकमा छलफल शुरू भएको छ ।

पार्टी केन्द्रीय कार्यालय धुम्बाराहीमा जारी सोमवारको बैठकमा स्थायी समिति सदस्यले बोल्नेक्रम शुरू भएको हो ।

स्थायी समितिको पहिलो वक्ता अष्ठलक्ष्मी शाक्य छिन् । नेकपा स्थायी समिति सदस्य एवं परराष्ट्रमन्त्री प्रदीप ज्ञवालीले छलफल सौहार्दपूर्ण वातावरणमा चलिरहेको जानकारी दिए । 

आइतवारको बैठकमा अध्यक्ष प्रचण्डले राजनीतिक प्रतिवेदन पेश गर्दै सरकारको काम कारवाही जनमुखी बन्न नसकेको बताएका थिए । पार्टीभित्र गुटबन्दी र अनुशासनहीनता बढेको भन्दै उनले चिन्ता व्यक्त गरेका थिए ।