लक्ष्मी बैंक लिमिटेडको उन्नाइसौं वार्षिक साधारणसभा सम्पन्न राजधानीमा सम्पन्न भएको छ ।

साधारण सभाले बैंकको चुक्ता पूँजीको १० प्रतिशत बोनस शेयर र ५ प्रतिशत नगद लाभांश वितरण गर्ने प्रस्ताव पारित गरेको छ । पारित बोनस शेयरसँगै बैंकको चुक्ता पूँजी रु ९ अर्ब ८१ करोड पुगेको छ ।

साधारण सभाले आर्थिक वर्ष २०७५/७६ का लागि संचालक समितिको प्रतिवेदन तथा सोही आर्थिक वर्षको बैंकको वित्तीय विवरण उपर छलफल गरी स्वीकृत गरेको छ । साथै साधारण सभाले संस्थापक शेयरधनीका तर्फबाट मनोनित सञ्चालकहरूको नियुक्ति अनुमोदन समेत गरेको छ । 

आ.व. २०७५/७६ मा रु ८०.३२ अर्ब निक्षेप र रु ७७.८४ अर्ब कर्जा पुर्‍याएको यस बैंकको वासलातको आकार रु १०६ अर्ब रहेको छ । सो आ.व.मा बैंकले १ अर्ब ५९ करोड खुद मुनाफा आर्जन गर्न सफल भएको छ । यसका साथ साथै सम्पूर्ण वित्तीय सूचकहरू नियामक व्यवस्था अनुरूप नै राम्रो अवस्थामा रहेका छन् ।

सन् २००२ मा स्थापनाभएको लक्ष्मी बैंकले आज आफ्ना शाखाहरू तथा सूचना प्रविधिको माध्यमबाट वृहत् स्तरमा सेवा प्रदान गर्न सफल भएको छ ।

तुलनात्मक रूपमा छोटो इतिहासको बावजुद पनि रिटेल, कर्पाेरेट तथा ट्रेजरी जस्ता सम्पूर्ण वित्तीय सेवाको क्षेत्रमा सेवा पुर्‍याउने एक प्रमुख बैंकिङसेवा प्रदायकको रूपमा बंैक अगाडि आएको छ । उच्चस्तरीय संस्थागत सु–शासन संस्कार, जोखिम व्यवस्थापन प्रणाली र सक्षम प्रविधिलगायत उत्तम व्यवस्थापन भएको बैंकको रूपमा लक्ष्मी बैंक नेपालमा सर्वत्र परिचित छ ।

लक्ष्मी बैंक एक हरित कम्पनी हो र यसले इन्टरनेट, कार्ड तथा मोवाइल फोन जस्ता प्रविधिका माध्यमको उच्चतम प्रयोगमार्फत हरियाली मैत्री बैंकिङसेवा प्रदान गर्न सक्षम भएको छ ।

लक्ष्मी बैंकको इन्भेस्टमेन्ट बैंकिङ सेवा प्रदान गर्ने सहायक कम्पनी ‘लक्ष्मी क्यापिटल मार्केट लि.’ सन् २००९ देखि सञ्चालनमा रहेको छ । यसैगरी देस्रो सहायक कम्पनी ‘लक्ष्मी लघुवित्त वित्तीय संस्था लि.’ ले सन् २०१२ बाट कारोबार शुरू गरी लघुवित्त सेवा प्रवाह गरिरहेको छ । 

लक्ष्मी बैंकले लक्ष्मी भ्यालु फन्ड १ र लक्ष्मी इक्विटि फण्ड नामक २ म्यूचुअल फण्ड समेत सफलतापूर्वक जारी गरिसकेको छ ।