यस वर्षको सुपरहिट चलचित्र ‘कबड्डी कबड्डी कबड्डी’ टेलिभिजनमा पहिलो पटक डिशहोमको सिनेमा घर च्यानल नम्बर १०८ मा पुस ११ गते शुक्रवारदेखि प्रदर्शन हुने भएको छ ।

सन् २०१३ मा निर्माण भएको हिट चलचित्र कबड्डीको तेस्रो सिरिज रहेको चलचित्रमा ख्याति प्राप्त कलाकार दयाहाङ राई, कर्मा शाक्य, उपासना सिंह ठकुरी, लगायत दर्जनौं चर्चित कलाकारले अभिनय गरेका छन् ।

असोज ३ गते रिलिज भएको यस चलचित्रले पुराना सिक्वलहरू कबड्डी , कबड्डी कबड्डीको सर्वाधिक लोकप्रियतासँगै यसपटक पनि नेपाली सिनेमा जगत्मा उत्कृष्ट प्रर्दशनी कायम गर्न सफल रहेको छ । ३ वटा सिक्वलमा कलाकार दयाहाङ राईले अभिनय मात्रै गरेनन्, चलचित्रलाई नेपाली सिनेमा प्रेमीको मनमस्तिष्कमा समेत गहिरो प्रभाव पार्न सफल भए । 

समय अनुसारको प्रविधिको विकाससँगै विकसित भएको डिशहोमले हलको पहुँच नभएका दर्शकका लागि न्यूनतम शूल्कमा सपरिवार घरैमा बसी चलचित्र हेर्न मिल्ने प्रविधि भित्र्याएको हो । च्यानल नम्बर १०८ मा एसएमएस गरी चलचित्र हेर्न मिल्ने सुविधा डिशहोमले प्रदान गरेकोे छ ।

हरेक दिन ८ शो हेर्न पाइने सिनेमा घरमा, चलचित्र हेर्नका लागि मोबाइलको म्यासेज बक्समा गएर एमओडी टाइप गरी (एउटा स्पेस दिएर) सेटअप बक्सको क्यास आईडी टाइप गरी आफूले हेर्न चाहेको समय टाइप गरी ३२५०० वा ३२५८० मा एसएमएस पठाएर चलचित्र हेर्न सकिन्छ । चलचित्र हेर्न सपरिवारका लागि ३२५ रुपैयाँ शूल्क लाग्ने छ ।