बुटवलको धुर्कोट गाउँपालिका २ पिपलधारामा जंगली जनावरको आक्रमणबाट एक जनाको मृत्यु भएको छ ।

साविक पिपलधारा गाविस ३ वङज्याङको जंगलमा पिपलधाराका ३७ वर्षिय सुरज खड्काको मृत्यु भएको हो ।

हाल नवलपरासीको रजहरमा वस्ने खड्काका कूल पूजाका लागि सो स्थानमा पुगेका थिए । 

केही दिनदेखि हराएका भनिएका खड्काको अंगभंग भएको अवस्थामा शव भेटिएको जिल्ला प्रहरी कार्यालय गुल्मीले जनाएको छ ।

प्रहरीका अनुसार शवको भित्री अंग जंगली जनावरले खाएको अवस्थामा भेटिएको हो ।

गाई बाख्रा चराउने स्थानीयले शव देखिपछि प्रहरीलाई खबर गरेका थिए । सो क्षेत्रमा चितुवा लगायतका जंगली जनावरको आतंक रहेकाले उनलाई रातिको समयमा जनावरले आक्रमण गरेको हुनसक्ने खड्काका आफन्त बाबुराम खड्काले बताए ।

आर्थिक अवस्था निकै कमजोर रहेका खड्काको जनावरको आक्रमणबाट मृत्यु भएपछि स–साना दुई छोरी र श्रीमतीको बिचल्ली भएको छ ।