राजधानी काठमाडौंमा अवस्थित मरिएट होटलले नयाँ शताब्दीमा प्रवेश हुनु अगाडि पहिलो पटक न्यू इयर इभ मनाउन गइरहेको छ । 

विशेष अवसरमा शहरका नियमित अतिथि अथवा नवआगन्तुक वा पर्यटक सम्पूर्णका लागि होटलमा केही विशेष रहेको छ ।

मुक्ति एण्ड रिभाइभल्सको लाइभ पर्फर्मेन्स, डीजे क्वीन र एक विशेष बेली डान्स कार्यक्रमको प्रत्यक्ष प्रदर्शनका साथ नृत्य र डाइनिङको रमणीय साँझ बल रुममा आयोजना गरिएको छ ।

अतिथिले आकर्षक प्याकेजहरू छनौट गर्न सक्नेछन्, जसमा विशेष सुविधा र छुटका साथ आवासीय प्याकेज पनि समावेश रहेको छ ।

अझ आरामदायिक साझँ खोज्ने व्यक्तिहरूले होटलको मल्टी क्वीजीन रेस्टुरेन्ट ‘ठमेल किचेनमा’ न्यू इयर इभ गाला डिनरमा सम्मिलित हुन सक्नेछन् र अनलिमिटेड बफेका साथ रातलाई उत्तम तिरकाले मनाउन सक्नेछन् । त्यसबाहेक आधुनिक एसियन रेस्टुरेन्ट एडमामेमा असाधारण क्वीलिनरी फेयरको आयोजना गरिने छ । जहाँ सेफ स्पेसल मेन्यूबाट ६ आधुनिक एसियन कोर्सहरू हुनेछ । यो रेस्टुरेन्टमा एकस्टिक ब्यान्डले प्रस्तुति दिनेछ ।

अतिथिलाई अगाडि नै बुकिङ गर्न आग्रह गरिएको छ । होटलले सम्पूर्णलाई नयाँ वर्षको शुभकामना दिएको छ ।