स्थानीय पहिचान झल्किने भेष–भुषासहितको र्‍याली तथा विभिन्न परम्परागत नृत्यसहित विशेष कार्यक्रमको आयोजना गरी सुदूरपश्चिम प्रदेशमा पनि नेपाल भ्रमण वर्ष २०२० को भव्य शुभारम्भ गरिएको छ ।

धनगढीमा बुधवार विशेष कार्यक्रमको आयोजना गरी भ्रमण वर्षको शुभारम्भ गरिएको हो ।

सो अवसरमा स्थानीय भेषभुषासहित झाँकी निकालिएको थियो । साथै परम्परागत नृत्यहरू समेत प्रदर्शन गरिएको थियो ।

२० लाख पर्यटक नेपाल भित्र्याउने लक्ष्यसहित सन् २०२० लाई भ्रमण वर्षको रूपमा मनाउन शुरू गरिएको छ ।

राजधानी काठमाडौंमा पनि विशेष कार्यक्रम गरी यसको स्वागत गरिँदैछ ।

दशरथ रंगशालामा आयोजित भव्य समारोहकाबीच राष्ट्रपति विद्यादेवी भण्डारीले भ्रमण वर्षको औपचारिक शुभारम्भ भएको घोषणा गर्नेछिन् ।

तस्वीरमा हेर्नुहोस्, सुदूरपश्चिम प्रदेशमा भ्रमण वर्षको स्वागत :