यी हुन् संसारका सबभन्दा खतरनाक सडकहरू

यहाँ हामी संसारका खतरनाक सडकको चर्चा गर्दैछौं । यी सडकबाट गुज्रिँदा मुटुको ढुकढुकी बढ्छ । रोमाञ्च मन पराउने मानिसलाई यी सडकहरू पर्फेक्ट छन् । 

स्किपर्स क्यान्यन रोड, न्युजील्यान्ड
घुमाउरो रूटका लागि प्रसिद्ध यो सडकमा ड्राइभिङका लागि विशेष अनुमति लिनुपर्छ । यहाँ गाडी चलाउनु अत्यन्तै खतरनाक छ ।


Advertisement

गुओलियाङ सुरुङ मार्ग, चीन
ग्रामीण इलाकाहरूलाई शहरलाई जोड्ने सडक देखेर सासै फुल्छ । यसलाई चीनको सबभन्दा खतरनाक सडक मानिन्छ । 

तिरुपति मन्दिर रोड, भारत
तीन हजार २०० फीटको उचाइँमा रहेको तिरुमला पहाडमा बनेको बाटो खतरनाक मानिन्छ । यी घुमाउरा सडकहरूमा हिँड्नु रोमाञ्चक अनुभव हुन्छ । 


Advertisement

काराकोरम राजमार्ग, पाकिस्तान
चीन र पाकिस्तानलाई जोड्ने यो सडक खतरनाक मोडहरूका कारण प्रसिद्ध छ । चार हजार ६ सय ९३ मिटरको उचाइँमा रहेको सडकमा गाडी चलाउन हिम्मत चाहिन्छ । 

जेम्स डाल्टन राजमार्ग, अलास्का
हेर्दाखेरी शान्त देखिने यो राजमार्ग धेरै खतरनाक छ । राजमार्गमा प्वालहरू छन् जुन हिउँले ढाकिएका कारण देखिँदैनन् । अनि चर्को हावाले पत्थरहरू उडाएर गाडीमा खस्ने खतरा पनि हुन्छ । 

किश्तवाड रोड, किलाड
जम्मु कश्मीरमा रहेको किलाडबाट किश्तवाड जाने सडक पनि खतरनाक छ । तीन हजार ८०० मिटरको उचाइँमा रहेको सडकमा गाडी चलाउँदा बडो होश पु–याउनुपर्छ । 

ईशिमा ओहाशी रोड, जापान
जापानमा रहेको ईशिमा ओहाशी रोड अचम्मको अनि डरलाग्दो छ । एक दशमलब सात किलोमिटर लामो सडकमा गाडी चलाउँदा भरपूर रोमाञ्च पाइन्छ । 

एजेन्सी

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्