सानिमा बैंक लिमिटेड पोखरा, न्युरोड शाखाले बैंकको सामाजिक संस्थागत उत्तरदायित्व कार्यक्रम अन्तर्गत शनिबार पोखरा मा.न.पा. वडा नं. १७, घारीपाटन स्थित हिमालय आँखा हस्पिटलमा आउने दैनिक करीब ५०० जना आँखासम्बन्धी बिरामीहरू एवं हस्पिटलका कर्मचारीको स्वास्थ्यलाई मध्यनजर गर्दै वाटर प्यूरिफिकेसन मेसिन प्रदान गरेको छ ।

उक्त मेसिन सानिमा बैंकका प्रमुख कार्यकारी अधिकृत भुवनकुमार दाहालले हिमालय आँखा हस्पिटलका प्रमुख मेडिकल डाइरेक्टर डा. इन्द्रमान मर्हजनलाई हस्तानतरण गरे ।

सो अवसरमा बैंकका प्रमुख कार्यकारी अधिकृत दाहालले आगामी दिनमा पनि थप आवश्यक सहयोग उपलब्ध गर्दै जाने बताए ।

त्यसैगरी हिमालय आँखा हस्पिटलका प्रमुख मेडिकल डाइरेक्टर डा. इन्द्रमान मर्हजनले सानिमा बैंकको सहयोगप्रति हार्दिक आभार व्यक्त गरे ।

सानिमा बैंकको हाल ७९ वटा शाखा, १ एक्सटेन्सन काउन्टर तथा ७८ वटा एटीएम रहेको छ ।