बलिउड नायिका नेहा धूपिया लामो समयदेखि फिल्मबाट टाढा छन्। हुन् त बलिउडमा उनको खासै करियर रहेन। त्यसैले उनी कयौँ फिल्ममा सहायक कलाकारको भूमिकामा देखिएकी थिइन्।

नेहाले बलिउडसँगै साउथ इन्डियन (दक्षिण भारतीय) फिल्ममा पनि काम गरेकी छन्। उनले साउथ फिल्म उद्योगबारे केही खुलासा गरेकी छन्।

अंग्रेजी वेबसाइट इन्डिया टुडेका अनुसार नेहाले खुलासा गरेकी छिन् कि  जब उनी  साउथ फिल्मी क्षेत्रमा काम गर्थिन्, त्यो बेला लिंगभेद थियो।  नेहाका अनुसार फिल्मको शूटिङको समयमा उनलाई भोक लागेमा सेटमा रहेकाहरु भन्थे, ‘अभिनेताभन्दा अगाडि खाना खान मिल्दैन।’

उनले भनेकी छिन्, ‘धेरै समय अघि जब साउथ सिनेमामा काम गर्थे। त्यतिखेर सबैजना भन्थे, ‘पहिला हीरोले खाना खाएपछि त्यसपछि तिमी खाना खानू।’

उनले यो विषयलाई एकदम नराम्रो अनुभवको रुपमा व्याख्या गरेकी छन्। नेहाले यो पनि भनेकी छन्, ‘यो धेरै पुरानो कुरा हो तर, अचेल यस्तो हुँदैन।' -एजेन्सी