पोखरामा आयोजित मुख्यमन्त्री कप फूटबलमा लफडा भएपछि सांसद् राजीव गुरुङ (दीपक मनाङ्गे)बाट कुटिएका एन्फा कास्कीका अध्यक्ष मिलन गुरुङले बुधवार पत्रकार सम्मेलन गरेका छन् ।

अध्यक्ष गुरुङले पत्रकार सम्मेलन गर्दै आफूले कानूनी बाटो खोज्ने बताएका छन् । सार्वजनिक रूपमै सांसदबाट कुटपिट हुनु गलत भएको उनले बताए ।

'उहाँले मलाई मुक्का हान्दा म सयंम भएर बसेँ । किनकी सम्पूर्ण सभासद्को इज्जत जान्छ भनेर सहेर बसेँ,' उनले भने ।

उनले घटना भएपनि मुख्यमन्त्री कपलाई नरोक्ने समेत बताए ।

उनले जीउधनको सुरक्षाको माग गर्दै प्रहरीमा उजुरी दिनेसमेत पत्रकार सम्मेलनमा जानकारी गराए ।

भ्रष्टाचारको आरोप लगाउँदै मंगलवार राजीवले उनलाई मुक्का हानेका थिए ।