रुपन्देहीको सैनामैनास्थित सैनामैना सवडिभिजन वन कार्यालयका प्रमुख पुष्पराज श्रेष्ठ घुस रकमसहित रङ्गेहात पक्राउ परेका छन् ।

सेवाग्राहीसँग वनबाट काठ उपलब्ध गराइदिन सिफारिस गरिदिने भन्दै ५ हजार रुपैयाँ घुससहित उनलाई बुधवार बुटवलको नयाँगाउँबाट अख्तियार दुरुपयोग अनुसन्धान आयोगको टोलीले रङ्गेहात पक्राउ गरेको हो । 

अख्तियार दुरुपयोग अनुसन्धान आयोगका प्रवक्ता सुरेश भुसालले उनलाई नियन्त्रणमा लिएर अनुसन्धान गरिएको लोकान्तरलाई जानकारी दिए । पछिल्लो समय यस क्षेत्रबाट अख्तियारले साना–साना घुस रकम लिनेलाई पक्राउ गरेपनि ठूलो भ्रष्टचार गर्नेलाई भने पक्राउ गर्न सकेको छैन ।