आइतवार प्रतिनिधि सभामा निर्विरोध निर्वाचित सभामुख अग्नि सापकोटाको शपथको विरोधमा राष्ट्रपति कार्यालय शितल निवास अगाडि प्रदर्शन भएको छ ।

कार्यालयमा सभामुखको शपथ तोकिएको बेला बाहिर प्रदर्शन गर्ने ९ जनालाई पक्राउ गरिएको छ ।

महानगरीय प्रहरी कार्यालय रानिपोखरीका प्रवक्ता एसएसपी श्यामलाल ज्ञवालीले प्रदर्शनमा उत्रिएका ९ जनालाई पक्राउ गरिएको बताए ।

हत्या आरोप लागेका व्यक्तिलाई सभामुख बनाउन नहुने भन्दै राष्ट्रपति कार्यालय अगाडि प्रदर्शन भइरहेको थियो । सोमवार राष्ट्रपति कार्यालयमा सभामुख सापकोटाको शपथ हुने कार्यक्रम छ ।