कतारका राजाले मंगलवार नयाँ प्रधानमन्त्री नियुक्त गरेको देशको सरकारी समाचार संस्थाले खबर दिएको छ । 

नयाँ प्रधानमन्त्री शेख खालिद बिन खलिफा बिन अब्दुलअजिज अल–थानीले शेख अब्दुल्लाह बिन नासेर बिन खलिफा अल–थानीको स्थान लिएका हुन् । 

नवनियुक्त प्रधानमन्त्री यसअघि कतारी राजा अमिर शेख तमिम बिन हमाद अल–थानीको कार्यालयका प्रमुख थिए । 

उनले गृहमन्त्रीको पनि पदभार सम्हाल्नेछन् । अन्य मन्त्रीहरू यथावत छन् । 

नयाँ प्रधानमन्त्रीले पेट्रोल उद्योगमा काम गरिसकेका छन् र उनले अमेरिकामा शिक्षा हासिल गरेका हुन् । शेख तमिम युवराज हुँदादेखि नै शेख खालिदले उनका लागि काम गर्न थालिसकेका थिए ।