इरानले गरेको रकेट आक्रमणका कारण ५० अमेरिकी सैनिकको मस्तिष्कमा समस्या

इराकस्थित अमेरिकी सैन्य अड्डामा इरानले केही दिनअघि गरेको रकेट आक्रमणमा परी ५० जना अमेरिकी सैनिकहरूको  मस्तिष्कमा चोटपटक लागेको पेन्टागनले जनाएको छ । 

राष्ट्रपति डोनल्ड ट्रम्पले उक्त आक्रमणमा कुनै पनि अमेरिकी हताहती नभएको बताएका थिए तर पेन्टागनको दाबीले उनको भनाइलाई काटेको छ । 


Advertisement

त्यतिखेर ट्रम्पले सैनिकहरूलाई टाउको दुखेको र कुनै गम्भीर चोटपटक नलागेको बताएका थिए । 

आक्रमणको भोलिपल्टै अमेरिकी सेनाले ११ जना सैनिक घाइते भएको जनाएको थियो । अघिल्लो साता पेन्टागनले ३४ सैनिक घाइते भएको जानकारी दिएको थियो । 


Advertisement

पेन्टागनका प्रवक्ता लेफ्टिनेन्ट कर्नेल टमस क्याम्पबेलले मंगलवार थप १६ सैनिकहरूलाई आघातपूर्ण मस्तिष्क समस्या देखिएको बताए । ती ५० मध्ये ३१ जना ड्युटीमा फर्किसकेको क्याम्पबेलको भनाइ छ । 

ती सैनिकहरूलाई इराकमा अनि कुवेतमा रहेका अस्पतालहरूमा उपचार गरिएको छ । 

जनवरी ३ मा इरानका शक्तिशाली जनरल कासिम सुलेमानीलाई अमेरिकी ड्रोनले मारेपछि जवाफी कारवाहीका रूपमा इरानले इराकस्थित ऐन अल–असद सन्य अड्डामा क्षेप्यास्त्र आक्रमण गरेको थियो । 

मस्तिष्कमा लागेको चोटपटकका बारेमा आक्रमणलगत्तै खबर नगरिएको र केही सैनिकमा चाहिँ निकै पछि मात्र लक्षण देखिएको अमेरिकी सेनाको भनाइ छ । 

इरानका लगभग एक दर्जन ब्यालिस्टिक क्षेप्यास्त्रहरू विस्फोट हुँदा धेरै सैनिक बंकरमा थिए । 


 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्