केही समयअघि प्रहरीलाई गाली गरेर विवादमा तानिएकी गायिका आस्था राउत स्टेज कार्यक्रमहरूमा व्यस्त हुन थालेकी छन् । 

यसक्रममा उनले मंगलवार दाङको तुलसीपुर महोत्सवमा आफ्नो प्रस्तुति दिएकी हुन् । 

आस्थाले 'मलाई नेपाली होइन भन्न कहाँ पाइन्छ'बाट गीत गाउन शुरू गरिन् । त्यसलगत्तै उनले 'नाकैमा फुली' बोलको गीत गाएर दर्शकलाई मनोरञ्जन दिइन् । उनको गीतमा दर्शकहरूले ताली र हूटिङले राम्रो साथ दिएका थिए । 

यसअघि त्रिभुवन अन्तर्राष्ट्रिय विमानस्थलमा महिला प्रहरीलाई अभद्र व्यवहार गरेको भन्दै उनको चर्को आलोचना भएको थियो । आस्थाले पनि गल्ती स्वीकार गरिसकेकी छन् । 

तस्वीर : शरद रेग्मीको फेसबूक वालबाट