बलिउडकी सुन्दर अभिनेत्री ऐश्वर्या राय बच्चन र अभिषेक बच्चनको बिबाह भएको ११ वर्ष पूरा भइसकेको छ । दुबैको विवाह बच्चन परिवारको बंगला ‘प्रतिक्षा’ मा सन् २००७ मा भव्यताका साथ सम्पन्न भएको थियो । 

हाल यी दुईको ६ वर्षको छोरी समेत रहेका छिन् । अभिषेक संयुक्त परिवारमै बस्दै आएका थिए तर पछिल्लो समय यो जोडीले मुम्बईको बान्द्रामा सर्नको लागि ५५०० स्क्वार फिट क्षेत्रफलमा फैलिएको सुविधासम्पन्न अपार्टमेन्ट किनेका थिए उनीहरुले उक्त फ्ल्याट २१ करोड भारुमा किनेका हुन् ।

समाचारअनुसार उक्त घरको इन्टेरियरको काम अझैं पूरा भइसकेको छैन । यही पूरा हुन नपाएका कारण उनीहरु अपार्टमेन्टमा सिफ्ट हुन ढिलाई भइरहेको छ ।

जसका कारण अहिले यी जोडी जुहुस्थित ‘जलासा’ बंगलामा बसिरहेका छन् । निकट सूत्रका अनुसार ऐश्वर्या–अभिषेक बान्द्रस्थित नयाँ अपार्टमेन्टमा सोनम कपुरसमेत छिमेकी हुनेछिन् । सोनमले पनि सोहि ‘सिग्निया इसलेस’ मा नै ७ हजार स्वायरफिट क्षेत्रफल रहेको घर किनेकी छन् ।