काठमाडौं – नोबेल साहित्य पुरस्कारबाट सम्मानित लेखक भीएस नायपालको ८५ वर्षको उमेरमा निधन भएको छ । नायपलको परिवारले शनिवार उनको निधनको घोषणा गरेको छ । 

उनकी पत्नीले एक बयान जारी गर्दै भनिन्, ‘उहाँका सबै उपलब्धिहरू महान् छन् र उहाँले आफ्नो अन्तिम सास आफ्ना प्रियजनमाझ लिनुभयो । उहाँको जीवन अद्भुत सिर्जनात्मकताले भरिएको थियो ।’

विद्याधर सुरजप्रसाद नायपलले ३० भन्दा बढी किताब लेखेका छन् । उनले नोबेल पुरस्कार सन् २००१ मा पाएका थिए । 

भारतीय सिभिल सर्भिसका अधिकारी नायपलको जन्म ट्रिनिडाडमा भएको थियो । उनका पुर्खाहरू नेपालबाट भारत हुँदै ट्रिनडाड पुगेको विश्वास गरिन्छ । 

बेलायतमा बस्नुअघि उनले अक्सफोर्ड विश्वविद्यालयबाट अंग्रेजी साहित्यको अध्ययन गरे । उनको जीवनको अधिकांश समग भ्रमणमा बित्यो र उनी आधुनिक यायावरका रूपमा देखापरे । 

उनका कृतिहरूमा औपनिवेशिक कालपछिको समस्या र परिवर्तनको वर्णन पाइन्छ । 

उनको सबभन्दा प्रसिद्ध उपन्यास अ हाउस फर मिस्टर विश्वास अर्धआत्मकथात्मक छ जसमा क्यारिबियन मुलुकबाट आएका भारतीय प्रवासीहरूले आफ्नो जरो नबिर्सिकन पश्चिमी समाजमा घुलमिल हुनका लागि गर्नुपरेको असम्भव कामको
वर्णन गरिएको छ । 

यो पुस्तकले प्रतिष्ठित बूकर पुरस्कार पनि जितेको थियो । 

नायपलका उपन्यासहरू सरल भाषाशैलीका लागि प्रसिद्ध छन् । 

उनले पहिलो विवाह पेट्रिसिया एन हेलसँग सन् १९५५ मा गरेका थिए । पेट्रिसिया सन् १९९६ मा बितेपछि नायपलले पाकिस्तानी पत्रकार नादिरा अल्वीसँग बिहे गरेका थिए ।

एजेन्सी