काठमाडौँ - राजधानीस्थित स्वयम्भुको विजेश्वरीस्थित एक हाउजिङ एपार्टमेन्टमा गोली चलेको छ ।

अपराध महाशाखाको टोलीले गुण्डागर्दीको आरोप लागेका मिलन लामामाथि गोली चलाएको हो ।

अपराध महाशाखाका एसएसपी सहकुल थापाले गुण्डागर्दीको आरोप लागेका लामालाई समाउन खोज्दा भागेपछि गोली चलाउनुपरेको लोकान्तरलाई बताए ।

उनले अर्का आरोपी अमित तामाङलाई पनि पक्राउ गरिएको जानकारी दिए ।

घुंडामा गोली लागेका लामालाई उपचारका लागि ट्रमा सेन्टर लागिएको छ ।

थप अनुसन्धान भइरहेको प्रहरीले जनाएको छ ।