एनआइसी एशिया बैंकको काउण्टर उच्च अदालत पाटन परिसरमा राखिने

असोज १०, २०७६

काठमाडौं–एनआइसी एशिया बैंक लिमिटेड र उच्च अदालत पाटन, ललितपुरबीच उच्च अदालत पाटन परिसरमा बैंकको विस्तारित काउण्टर संचालनका लागि स्थान उपलब्ध गराउने सम्झौता भएको छ । 

उक्त सम्झौतापत्रमा बैंकको तर्फबाट बैंकका नायब प्रमुख कार्यकारी अधिकृत सुधिर नाथ पाण्डे र उच्च अदालत पाटनको तर्फबाट अदालतका रजिष्ट्रार बाबुराम दाहालले हस्ताक्षर गरेका छन् ।  


ADVERTISEMENT

उच्च अदालत परिसरमा काउण्टर संचालनमा आएसँगै अदालतमा आउने सेवाग्राहीलाई अदालती शुल्क, दस्तुर बुझाउन तथा आवश्यक पर्ने रकम व्यवस्थापनका लागि सहज हुने बैंकले विश्वास  लिएको छ ।

असोज १०, २०७६ मा प्रकाशित

प्रतिक्रिया दिनुहोस

ताजा समाचार