कात्तिक २१, २०८०
किभ– युक्रेनका राष्ट्रपति भोलोदिमिर जेलेन्स्कीले निर्वाचनका लागि यो सही समय भएको हो भन्ने आफूलाई विश्वास नभएको बताएका छन् । सन् २०२४ मा राष्ट्रपति निर्वाचनका बारेमा तीव्र बहस हुँदै गएपछि रुसी आक्रमणविरुद्ध ह...
चैत २४, २०७७
पोर्चुगलमा ट्राभल्स र रेमिट्यान्सको व्यवसाय चलाउँदै आएका एनआरएनए पोर्चुगलका कोषाध्यक्ष विक्रम जंग कुँवरको कार्यलयमा प्रहरीले छापा हानेको छ । उनले नेपाल फर्किन लागेका नेपालीलाई नक्कली टिकट बेचेको खुलासा भएपछि पोर्चुगल प्रहरीले छापा हानेको हो । उनको लक्ष्मी ट्राभल्सको कार्यालयमा प्रहरीले स्थानीय समय अनुसार सोमबार रातको करिब ११ बजे छापा मारेको थियो।
स्रोतका अनुसार सो क्रममा प्रहरीले कैयौँ फर्जी कागजातहरु बरामद गरेर लगेको छ।
प्रहरीले छापा मारे पश्चात सो ट्राभल्सबाट विभिन्न समयमा विभिन्न शीर्षकमा ठगिएको भन्दै दर्जनौँ नेपालीहरुको ट्राभल्स अगाडि भीड नै लागेको थियो। उनीहरुले ट्राभल्स संचालकको चर्को विरोध गरेका थिए भने आफूहरुलाई सहयोग गर्न प्रहरी समक्ष याचना गरिरहेका देखिन्थे।
पहिलो पटक लोकान्तर डटकममा ठगी काण्डबारे समाचार प्रकाशित भएपछि पोर्चुगल र युरोपमा सनसनी मच्चिएको थियो। पोर्चुगलको नेपाली समुदायमा लोकप्रिय फेसबुक पेज नेपाल चौतारीले राति नै पीडितहरूको गुनासो सहितको भिडियो सार्वजनिक गरेको छ। भिडियोमा पीडीतहरुले आफूहरु ठगिएको र न्याय पाउनु पर्ने बताएका छन्।
त्यहाँ उपस्थित अधिकांशको आगामी मितिको लागि नेपाल जाने भनेर बुक भइसकेको भनिएको टिकट जाँच गर्दा टिकट नक्कली नै भेटिएको छ। पैसा असुल्ने र बुकिङ नभएको टिकट भिडाउने धन्दा धेरै भएको आशंका गरिएको छ।
नेपाल जानको लागि किनमेल सकेर बसेका एक यात्रुले आफ्नो टिकट शंका लागेर जाँच हेर्दा नक्कली नै भेटिएको बताए। नाम नखुलाउन नचाहने उनले भने, “खेतीमा दुख गरेर कमाएको पसिनाको थोपा बराबरको मेरो पैसा खाएर उसलाई के हुने होला? के पाउने होला? किन यस्तो गरेको होला?”
टिकट अनुसार उनी यही अप्रिल ८ तारिखका दिन उड्नु पर्ने छ। तर टिकटको पैसा लिएर पनि बिना कुनै जानकारी टिकट क्यान्सिल भएको एयरलाइन्स मार्फत जानकारी पाउँदा उनी मर्माहत बनेका छन्।
यसैबीच एनआरएन पोर्चुगलले ठगी प्रकरण बाहिरिए लगत्तै राति नै एक विज्ञप्ति जारी गर्दै आफ्नो कोषाध्यक्ष बिक्रम कुँवरलाई पदबाट निलम्बन गरेको बताएको छ। एनआरएन पोर्चुगलका अध्यक्ष तिलक गैरे र महासचिव हेमराज सुवेदीले संयुक्त रुपमा जारी गरेको उक्त विज्ञप्तिमा समाचारमा आएको विषय प्रति आफूहरुको ध्यानाकर्षण भएको जनाएका छन्।
पछिल्लो पटक विमानस्थलबाट फर्काएको यात्रुहरुलाई सो ट्राभल मार्फत नक्कली टिकट दिईएको समाचार लोकान्तर डटकममा प्रकाशित भएको थियो। ती यात्रुहरु अन्य कुनै उडान मार्फत नेपाल फर्किने तयारी गरिरहेका छन्।
पोर्चुगलमा रहेका केही अगुवा नेपालीहरु तथा स्थायी रुपमा बसोबास गरिरहेका श्रमिकहरुले ठगी प्रकरणको विरोध गरिरहेका छन्। उनीहरुले एनआरएन पोर्चुगलको प्रतिष्ठामाथि पनि प्रश्न उठाएका छन्।
पोर्चुगलमा पत्रकारिता गरिरहेका मनोज भट्टराईले ट्राभल्स संचालक कुँवर प्रति लक्षित गर्दै “पत्रकारहरू आजको मिति सम्म किन चुप बसेका थिए” भनेर असन्तोष व्यक्त गरेका छन्।
त्यस्तै तनहुँ समाजकी अध्यक्ष बिनु बस्नेतले यस ठगी प्रकरणको निन्दा गरेकी छिन् ।
निलम्बित कोषाध्यक्ष कुँवरले लक्ष्मी ट्राभल्सका मार्फत लामो समयदेखि आफ्नो सामाजिक पदको दुरुपयोग गर्दै ठगी गर्दै आएको आरोप लागेको छ ।
एनआरएनए पोर्चुगलले नेपालमा कोरोना बिरामीको उपचारमा पठाएको रकम हिनामिना गरेको आरोप पनि उनीमाथि लागेको थियो।
उसो त पोर्चुगलको नेपाली समुदायमा ठगीको धन्दा बढ्दै गएको जानकारहरु बताउँछन्। कोरोना पश्चातको लकडाउनमा त झन् यो संख्या बढेर गएको छ। काम खोजिदिने बाहानामा समेत ठग्नेहरू धेरै छन्।
पोर्चुगलमा अनुमानित ३० हजार नेपाली बसोवास गरिरहेको अनुमान छ । तर यहाँ नेपाली दुतावास भने छैन। रातो पासपोर्ट र विभिन्न सामाजिक सुरक्षा र सहज जीवनयापन गर्न पाइने भन्दै दिनप्रतिदिन यो सङ्ख्या बढ्दो छ । विशेषगरी कृषि र रेष्टुरेन्टमा काम पाइने हुनाले नेपालीको आकर्षण धेरै छ।
गैर आवासीय नेपाली संघ पोर्चुगलले, पोर्चुगलमा नेपाली दुतावास स्थापना लगायतका माग राखेर विगतमा पूर्वप्रधानमन्त्री प्रधानमन्त्री शेरबहादुर देउवालाई ज्ञापनपत्र बुझाएको थियो। प्रचण्ड र ओली सरकारका पालमा पनि दुतावास ल्याउने प्रयास नभएको हैन, तर सफल हुन सकिरहेको छैन। आफ्नो दुतावास नहुँदा पीडामा परेका नेपालीहरुको दु:ख सुनिदिने कोही छैनन्। भएको यही एउटा एनआरएनए पनि यसरी विवादित हुदा यहाँका नेपाली समुदायहरू चिन्तित बनेका छन्।
नक्कली टिकट धन्दा चलाउने बिक्रम जंग कुँवर
किभ– युक्रेनका राष्ट्रपति भोलोदिमिर जेलेन्स्कीले निर्वाचनका लागि यो सही समय भएको हो भन्ने आफूलाई विश्वास नभएको बताएका छन् । सन् २०२४ मा राष्ट्रपति निर्वाचनका बारेमा तीव्र बहस हुँदै गएपछि रुसी आक्रमणविरुद्ध ह...
पाकिस्तानको क्वेटामा सुरक्षाकर्मीको एउटा समूहमाथि शुक्रबार आक्रमण हुँदा कम्तीमा १४ सैनिकको मृत्यु भएको छ । घटनाबारे बलुचिस्तान प्रान्तका एक वरिष्ठ सरकारी अधिकारी सइद अहमद उमरानीले एएफपीसँग भने, “तटीय ...
अमेरिका र बेलायतका सेनाले बिहीवार यमनको हुथी नियन्त्रित कैयौं क्षेत्रहरूमा हवाई हमला शुरू गरेका छन् । लाल सागर (रेड सी) हुँदै सामान ओसारपोसार गर्ने कमर्सियल जहाजमाथि पटक-पटकको ड्रोन हमला तत्काल रोक्न...
चिनियाँ राष्ट्रपति सी चिनफिङ अमेरिका प्रस्थान गरेका छन् । चीन–अमेरिका भ्रमणका लागि उनी मंगलवार अमेरिका प्रस्थान गरेका हुन् । भ्रमणका क्रममा उनले चीन र अमेरिकाका नेताबीचको बैठक र ३० औं एपेक आर्थिक न...
सोउल– उत्तर कोरियाले दूतावास बन्द गर्ने हालैको शृङ्खला आफ्नो बाह्य सम्बन्ध सुधार गर्नका लागि ‘नियमित मामिला’ भएको स्पष्ट पारेको छ । दक्षिण कोरियाले आर्थिक सङ्कटका कारण दूतावास बन्द गरेको दाबी गर...
आफ्नै साथीले छुरा प्रहार गर्दा पोर्चुगलमा एक नेपाली युवकको मृत्यु भएको छ । छुरा प्रहारबाट गम्भीर घाइते भएका कुश्मा नपा–१३, खौला, पर्वतका ३६ वर्षीय धनबहादुर क्षेत्रीको उपचारका क्रममा निधन मृत्यु भएको हो ।&n...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...