भक्तपुरका विश्वराम कवांको जीवनीमा आधारित ‘मेरो जीवन यात्रा’ नामक पुस्तक सार्वजनिक भएको छ । 

शनिवार एक कार्यक्रमबीच भक्तपुर नगरपालिका प्रमुख सुनिल प्रजापतिले पुस्तकको विमोचन गरे ।  

पुस्तकमा लेखकले आफनो बाल्यकालदेखि अहिलेसम्मको जीवन यात्राका विभिन्न पक्षहरूका बारेमा उल्लेख गरेका छन् । 

भक्तपुर नगरपालिका–७ मा जन्मेका विश्वराम अहिले ६१ वर्षका भए । 

पुस्तक ६ खण्डमा विभाजित छ । 

पारिवारिक जीवन र विश्वराम कवां, खेलकुदमा विश्वराम कवां, शिक्षामा विश्वराम कवां, भक्तपुर काण्ड र विश्वराम कवां, सामाजिक कार्य र विश्वराम कवां र व्यवसायिक यात्रा र विश्वराम कवां गरी पुस्तक ६ भागमा विभाजित छन् । 

शिक्षण पेशाबाट सेवा निवृत्त भएपछि उनले व्यावसायिक जीवन शुरू गरेका थिए । यो बीचमा उनी खेलकुद जीवनमा पनि लागेका थिए । 

लेखक कवांले पुस्तक बिक्रीबाट उठेको रकम सुस्त मनस्थिति अभिभावक संघ सहयोगार्थ प्रदान गर्ने जानकारी कार्यक्रममा गराए । पुस्तक १४५ पृष्ठको छ ।