मंसिर २५, २०८०
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
स्थानीय तह निर्वाचन सम्पन्न भएर मतगणना जारी रहेको छ । अधिकांश पालिकामा मतगणना सम्पन्न भएर निर्वाचित जनप्रतिनिधिले शुक्रबार शपथ लिएर कार्यभार सुरु गरिसकेका छन् ।
यद्यपि केही पालिकामा अझै मतगणना जारी रहेको छ । सार्वजनिक भएको केही परिणाम निकै रोचक देखिएको छ । कडा प्रतिस्पर्धाका बीचमा केही ठाउँमा १ मतको अन्तरले जित हार भएको छ । मधेस प्रदेशको पर्सा जिल्ला बिन्दबासिनी गाउँपालिका वडा नम्बर ३ को अध्यक्षमा नेपाली कांग्रेसका जयप्रकाश चौरसिया १ मतले विजयी भएका छन् ।
चौरसियाले १ हजार १ सय ८५ मत पाउँदा उनका निकटतम प्रतिस्पर्धी नेकपा (एमाले)का हनिफ मियाँ जोलाहाले १ हजार १ सय ८४ मत ल्याएर पराजित हुनुप¥यो । लुम्बिनी प्रदेशको गुल्मी जिल्ला कालिगण्डकी गाउँपालिका २ मा कांग्रेसका उम्मेदवार रेशमराज न्यौपानेले एक मतले वडाध्यक्षमा विजयी भएका छन् ।
न्यौपानेले ७ सय ५६ मत पाउँदा माओवादी–एमाले गठबन्धनका उम्मेदवार शोभाकर न्यौपाने ७ सय ५५ मत ल्याएर पराजित भएका छन् । मधेस प्रदेशकै महोत्तरीको महोत्तरी गाउँपालिका–१ मा लोकतान्त्रिक समाजवादी पार्टी नेपालका रञ्जितकुमार चौधरी १ मतले विजयी भए ।
चौधरीले ३ सय ६६ मत पाउँदा उनका निकटतम प्रतिस्पर्धी एमालेका मोहम्मद अनामुल राइनले ३ सय ६५ ल्याएर पराजित भएका छन् । महोत्तरीकै बर्दिवास नगरपालिका–१४ मा स्वतन्त्र उम्मेदवार विजयकुमार महतो १ मतले विजयी भएका छन् ।
महतोले ५ सय ८ मत पाउँदा उनका निकटतम प्रतिस्पर्धी कांग्रेसका भरत हमाल ५ सय ७ मत ल्याएर पराजित भएका छन् । यसैगरी, महोत्तरीको बर्दिवास नगरपालिका ७ मा पनि स्वतन्त्र उम्मेदवार रामस्वगारथ यादव १ मतले विजयी भएका छन् ।
उनले ७ सय २७ मत पाउँदा उनका निकटतम प्रतिस्पर्धी माओवादी केन्द्रका सुरेन्द्रकुमार सिंह कोइरीले ७ सय २६ मत ल्याएर पराजित भएका छन् । ताप्लेजुङको सिदिङ्वा गाउँपालिका उपाध्यक्षमा पाँच दलीय गठबन्धनको तर्फबाट माओवादी केन्द्रका कृष्णकुमारी कडरिया १ मतले विजयी भएकी छन् ।
उनले २ हजार ३ सय ७६ मत पाउँदा उनका निकटतम प्रतिस्पर्धी स्वतन्त्र उम्मेदवार जीवनकुमार चाम्लिङले २ हजार ३ सय ७५ मत पाएका छन् । काभ्रे जिल्लाको ३ स्थानीय तहका ३ वडामा एक÷एक मतान्तरले वडाध्यक्षमा विजयी भएका छन् । तेमाल गाउँपालिका वडा नम्बर १ मा एमालेका इन्द्र अधिकारी १ मतले विजयी भएका छन् ।
उनले ५ सय ३१ मत ल्याउँदा उनका प्रतिस्पर्धी कांग्रेसका कालदास तामाङले ५ सय ३० मत पाएर पराजित भएका छन् । काभ्रेको खानीखोला गाउँपालिका वडा नम्बर १ मा माओवादी केन्द्रका सन्तमान थिङ १ मतले विजयी भएका छन् ।
थिङले ५ सय ४८ मत पाउँदा निकटतम प्रतिस्पर्धी एमालेका आशाराम गोलेले ५ सय ४७ मत प्राप्त गरी पराजित भएका छन् । काभ्रेको चौरीदेउराली गाउँपालिका वडा नम्बर १ मा कांग्रेसका सुशील लामा पनि १ मतले विजयी भएका छन् । उनले ४ सय २ मत पाउँदा माओवादी केन्द्रका राजु आलेले ४ सय १ मत पाएर पराजित भएका छन् ।
यस्तै अर्घाखाँचीकोे मालारानी गाउँपालिका–६ हंसपुरको वडाध्यक्षमा एमालेका नारायणप्रसाद अर्याल १ मतले विजयी भएका छन् । अर्यालले ८ सय ४९ मत पाएर विजयी भए भने उनका निकटतम प्रतिस्पर्धी माओवादी केन्द्रका उदयबहादुर पुन मगर ८ सय ४८ मत ल्याएर पराजित भएका छन् ।
मुस्ताङको घरपझोङ गाउँपालिकामा पनि दुई मतको अन्तरले हारजित भएको छ । आफ्ना प्रतिस्पर्धीभन्दा दुई मत बढी ल्याएर कांग्रेसका मोहनसिंह लालचन वडा अध्यक्षमा विजयी भए । निर्वाचनमा लालचनले ७ सय ६० मत पाउँदा एमालेका सञ्जयकुमार थकालीले ७ सय ५८ मत ल्याएका थिए ।
यसैगरी रूपन्देहीको शुद्धोधन गाउँपालिकाको वडा नम्बर १ को वडाध्यक्षमा विपक्षीको भन्दा जनता समाजवादी पार्टी नेपाल (जसपा)का उदयराज गडेरियाले एक मत बढी पाएर विजयी भएका छन् । गडेरियाले ९ सय ९२ मत पाए भने उनका प्रतिस्पर्धी कांग्रेसका उम्मेदवारले ९ सय ९१ मत पाएर पराजित भएका छन् । राजधानी दैनिकमा सुभाष साहले खबर लेखेका छन् ।
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
जापानी बिदेशमन्त्री कामिकाबा योको झन्डै आठ घण्टाको नेपाल भ्रमण गरी स्वदेश फर्किएकी छन् । विमान चार्टर गरी नेपाल आएको मन्त्री योकोले स्वदेश फिर्दा भने नेपालको राष्ट्रिय ध्वजाबाहक नेपाल वायुसेवा निगमको नियमित उडान प्...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...