माघ १८, २०८०
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
बैशाख २१, २०८०
रुसका राष्ट्रपति भ्लादिमिर पुटिनलाई लक्षित गरी युक्रेनले दुईवटा सशस्त्र ड्रोन पठाएको दाबी रुस सरकारले गरेको छ ।
तर रेडार वारफेयर सिस्टमको सक्रियताका कारण ती ड्रोनहरूलाई बाटैमा खसाइएको रुसले जनाएको छ । यसबाट मानवीय र भौतिक कुनै पनि क्षति नभएको रुसको भनाइ छ ।
पुटिनको हत्या गर्नका लागि भएको आतंकवादी प्रयासका रूपमा यस घटनालाई लिइएको पनि रुसले बताएको छ । इन्टनेटमा राखिएका भिडियोहरूमा कम्तीमा एउटा ड्रोन संसद् भवनमा ठोकिएको र त्यसबाट सानोतिनो आगो लागेको देखिन्छ ।
युक्रेनले लामो दूरीको ड्रोन विकसित गरिरहेको छ र ती ड्रोनहरू मस्को नजिक पुग्न थालेका छन् । फेब्रुअरी महिनामा एउटा त्यस्तै ड्रोन मस्कोबाट १०० किलोटिमर दक्षिणपूर्वमा रहेको कोलोम्ना शहरमा पाइएको थियो । अनि अप्रिल महिनामा एउटा ड्रोन मस्कोबाट ३० किलोमिटर पूर्वतर्फ दुर्घटनाग्रस्त भएको थियो ।
संसारको सबभन्दा बढी सुरक्षा प्रबन्ध मिलाइएको शहर मस्कोमा सरकारी भवनमै ड्रोन पुग्दा साहस, सौभाग्य र क्षमता सबैको सम्मिश्रण देखिएको छ ।
ड्रोनहरू सुस्त र जोखिमयुक्त हतियार हुन् । अनि मस्को रेडार सिस्टम र हवाई प्रतिरक्षा क्षेप्यास्त्रबाट घेरिएको छ । क्रेमलिन गार्डले ड्रोननिरोधी राइफलहरू पनि उपयोग गर्ने गरेको छ । त्यसले ड्रोनको कमान्ड सिग्नललाई झुक्याउँछ । रुसभित्रैका कुनै सरकारविरोधी तत्त्वले गर्न सक्ने आक्रमणबाट जोगिन यो प्रबन्ध मिलाइएको हो ।
अहिलेको ड्रोन आक्रमण युक्रेनीहरूले नै गरेका हुन् भने यसको योजना त्यहाँको सैन्य गुप्तचरी इकाइले बनाएको हुनुपर्छ (हुन त युक्रेनका राष्ट्रपति भोलोदीमीर जेलेन्स्कीले यसमा आफूहरूको संलग्नता नरहेको बताएका छन्) ।
युक्रेनले यो आक्रमण गरेकै हो भने पनि त्यो पूर्णतः प्रतीकात्मक र राजनीतिक हो । ड्रोनमा हुने साना वारहेडमार्फत पुटिनलाई मार्न सकिने अपेक्षा उनीहरूले नगरेका हुन सक्छन् । अझ त्यसमाथि पुटिन आजकल क्रेमलिन खासै जाने गर्दैनन् । घटना हुँदा उनी नोभो–ओगोर्योभोमा रहेको निवासमा थिए ।
मस्को पनि सुरक्षित छैन है भन्ने सन्देश युक्रेनीहरूले दिन खोजेका हुन सक्छन् । अनि रुसले मे ९ मा भव्यतापूर्वक मनाउने गरेको विजय दिवस (दोस्रो विश्वयुद्धमा नाजीहरूलाई गरेको पराजयको सम्झना) भन्दा अघि यो आक्रमण गरी युक्रेनले रुसलाई सन्देश दिएको हो । सुरक्षा चिन्ताका कारण विजय दिवसका अनेकौं कार्यक्रम कि त रद्द गरिएका छन् कि त तिनको स्केल घटाइएको छ ।
वास्तवमा यस आक्रमणको गम्भीर जोखिम छ । क्रेमलिनले उपयुक्त अवसरमा प्रतिकारात्मक कारवाही गर्ने अधिकार आफूहरूसँग रहेको जनाएको छ । अहिले नै युक्रेनमा विनाश मच्चाइरहेका रुसीहरूले यसै बहानामा युद्ध चर्काउन सक्छन् । (यस घटनाले वाशिङटनलाई क्रुद्ध बनाउन सक्छ किनकि उसले महिनौंदेखि किएभलाई रुसी भूमिमा यस्ता किसिमका आक्रमण नगर्न चेतावनी दिँदै आएको छ ।)
यही कारणले गर्दा पनि कतिपयले यसलाई पुटिनले गराएको झूटो आक्रमण हो भनिरहेका छन् । रुसी जनतालाई आक्रोशित बनाउन अनि युक्रेनमा थप बर्र्बर आक्रमण गर्नका लागि यसले पुटिनलाई बहाना दिएको उनीहरूको भनाइ छ ।
जेलेन्स्कीका एक सल्लाहकार मिखाइलो पोदोल्याकले यस आक्रमणमा किएभको कुनै हात नरहेको बताएका छन् । बरू यसले रुसको थप आक्रमणको पूर्वाभास दिएको उनको भनाइ छ ।
तर किएभको यो दाबी विश्वसनीय छैन । पोदोल्याकले भनेको कुरा सही हो भने त रुसले आफ्नो सुरक्षा कमजोरी आफैंले स्वीकार गरेको ठहरिन्छ ।
यो सन् १९८७ मा भएको कुख्यात घटनासँग तुलना गर्न सकिन्छ । त्यतिखेर माथियास रस्ट नामक युवा जर्मनले शान्ति अभियानका नाममा क्रेमलिन नजिकको मोस्क्वोरेत्स्की पुलमा हलुका विमान उतारेका थिए । यस घटनापछि तत्कालीन रक्षामन्त्री तथा हवाई प्रतिरक्षा बलका कमान्डर लगायत शीर्ष कमान्डलाई बर्खास्त गरिएको थियो ।
अहिलेको घटनापछि रुसका रक्षामन्त्री सर्गे शोइगुलाई बर्खास्त गरिएला त ?
पुटिनले राजनीतिक लाभका लागि आफ्ना हवाई प्रतिरक्षा बल ड्रोन रोक्न समेत सक्षम नरहेको भन्ने आभास दिलाउन खोज्लान् भन्ने कुरा नै विश्वसनीय छैन । युक्रेन सीमाबाट ४५० किलोमिटर पर देशको मुटुमा गरिएको आक्रमण पुटिनले आफ्नो लाभका लागि हुन दिएको कुरा पत्याउन सकिन्न ।
त्यसैले यो आक्रमण युक्रेनले नै गरेको हुन सक्छ । आफ्ना पूर्वाधार, निजी निवास र अस्पतालहरूमा रुसले लगातार क्षेप्यास्त्र आक्रमण गरिरहँदा त्यसको जवाफ फर्काउनुपर्ने सोच किएभलाई आएको हुन सक्छ ।
अहिलेसम्मका सबै कुरा अनुमान हुन् । तर यस घटनाले युद्धप्रति चासो नराख्ने रुसीहरूलाई समेत आक्रोशित तुल्याउन सक्ने सम्भावना छ । एकजना टिप्पणीकारले यो घटना पुटिनलाई जेलेन्स्कीले दिएको उपहार हुन सक्ने बताएका छन् र त्यो सत्य हुन सक्छ ।
द स्पेक्टेटर पत्रिकामा प्रकाशित मार्कग्यालिओत्तीको विश्लेषण लोकान्तरका लागि विन्देशदहालले अनुवाद गरेका हुन् ।
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
फागुन २१ मा नाटकीय ढंगले सत्ता समीकरण बदलिएको दुई महिना पनि नबित्दै नयाँ समीकरणका लागि कसरत भइरहेको संकेत देखिएको छ । नेपाली राजनीति तथा सत्ताका खेलाडीसँग निकट विश्वसनीय स्रोतले भित्रभित्रै अर्को नयाँ स...
नेकपा एमालेसँग मिलेर नयाँ समीकरण बनाउने प्रयास भइरहेका बेला भित्रभित्रै वैकल्पिक गठबन्धनका लागि पनि प्रयास गरेपछि नेपाली कांग्रेसका सभापति शेरबहादुर देउवा फेरि एकपटक चिप्लिएका छन् । देउवाले एमालेसँ...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...