बैशाख १९, २०८१
महेन्द्रनगर– दुईतिर भारतको सीमा जोडिएको कञ्चनपुरमा सशस्त्र प्रहरी बलले अवैध ढङ्गले ल्याइएका रु ८८ लाख बराबरका सामान नियन्त्रणमा लिएको छ । महेन्द्रनगरस्थित सशस्त्र प्रहरी बल नंं ३५ गणका अनुसार गत फागुनपछि ...
काठमाडाैं | जेठ ३२, २०८०
यमबहादुर कार्की प्रधानमन्त्री तथा मन्त्रिपरिषद् कार्यालयका कर्मचारी हुन् । जेठ ३२ गते बिहीवार मन्त्रालय पुगेर हाजिरी गरेलगत्तै उनी सिंहदरबारबाट बाहिरिए ।
कार्की 'अस्पताल जानु छ' भन्दै १०:१८ मा सिंहदरबारको दक्षिणी गेटबाट बाहिरिएका थिए ।
रक्षा मन्त्रालयका कर्मचारी सीताराम बस्नेत पनि मन्त्रालयमा हाजिर गरेर सामान लिन जानुछ भन्दै १०:२० मा सोही गेटबाट बाहिरिए ।
उनीजस्तै श्रम, रोजगार तथा सामाजिक सुरक्षा मन्त्रालयका कर्मचारी कृष्णप्रसाद भुसाल पनि मान्छे भेट्न भन्दै हाजिरी गरेर १०:२३ मा सोही गेटबाट बाहिरिए ।
राष्ट्रिय योजना आयोगका कर्मचारी पर्वत गिरी पनि हाजिरी गरेर १०:२४ मा छोरा बिरामी भएको भन्दै बाहिरिएका थिए ।
प्रधानमन्त्री तथा मन्त्रिपरिषद् कार्यालयमा कार्यरत कर्मचारी संगिता पौडेल हाजिरी गरेर १०:३० मा ट्राफिक जरिवाना तिर्न जानुछ भन्दै निस्किएकी थिइन् ।
गृह मन्त्रालयकी कर्मचारी चण्डेश्वरी कपाली १०:४१ मा अस्पताल जाने भन्दै बाहिरिएकी थिइन् ।
युवा तथा खेलकुद मन्त्रालयका कर्मचारी सन्देश मास्के पनि अधिवेशनका लागि भन्दै हाजिरी गरेर १०:४८ मा निस्किए ।
ऊर्जा, जलस्रोत तथा सिँचाई मन्त्रालयका कर्मचारी बाबुकाजी महर्जन खाना खान भन्दै हाजिरी गरी १०:४० मा सोही गेटबाट बाहिरिएका थिए ।
राष्ट्रिय प्राकृतिक स्रोत तथा वित्त आयोगकी कर्मचारी विमला वाग्ले पनि हाजिरी गरेर १०:५५ मा बाहिरिएकी थिइन् ।
छोराको नागरिकता बनाउन जान लागेको उनले उल्लेख गरेकी थिइन् ।
सञ्चार तथा सूचना प्रविधि मन्त्रालयका कर्मचारी प्रकाश पन्त भने पशुपति आर्यघाट जानुछ भन्दै ११:०७ मा बाहिरिएका थिए ।
वन तथा वातावरण मन्त्रालयका कर्मचारी मानबहादुर तामाङ ठमेल जानुछ भन्दै हाजिरी गरेर ११:१० मा सिंहदरबारको सोही गेटबाट बाहिरिएका थिए ।
संघीय मामिला तथा सामान्य प्रशासन मन्त्रलायकी कर्मचारी गीता पराजुली हाजिरी गरेपछि तेल लिन जानुछ भन्दै बाहिरिएकी थिइन् ।
अर्थ मन्त्रालयकी कर्मचारी सम्झना ज्ञवाली सामान पुर्याउन १५ मिनेटका लागि भन्दै बाहिरिइन् ।
संसदीय मामिला तथा कानून मन्त्रालयका कर्मचारी जीवन थापा क्षेत्री सचिवको बीमा गरिदिनका लागि भन्दै बाहिरिएका थिए ।
शहरी विकास मन्त्रालयका कर्मचारी रवीन्द्र बोहरा हाजिरी गरेर १०:२० मै बाहिरिएका थिए । नागरिकता बनाउन जान लागेको उनले उल्लेख गरे ।
गृह मन्त्रालयका कर्मचारी प्रदीप पौडेल व्यक्तिगत कामका लागि भन्दै हाजिरी गरेलगत्तै बाहिरिएका थिए ।
उद्योग, वाणिज्य तथा आपूर्ति मन्त्रालयका कर्मचारी धनवीरसिंह माझी ११:४५ मा बल्खु जानका लागि बाहिरिएका थिए ।
शहरी विकास मन्त्रालयका कर्मचारी चन्द्रिका विष्ट ११:४० मा पुल्चोकमा काम छ भन्दै बाहिरिएकी थिइन् । महिला, बालबालिका तथा ज्येष्ठ नागरिक मन्त्रालयकी कर्मचारी गोमा भण्डारी कपन जानुछ भन्दै ११:५३ मा बाहिरिएकी थिइन् ।
बिहीवार १० देखि १२ बजेको अवधिमा माथि नाम उल्लेख गरिएकासहित १३५ जना कर्मचारी हाजिर गरेर सिंहदरबारबाट बाहिरिए ।
राष्ट्रिय सतर्कता केन्द्रले सिंहदरबार गेटमा आकस्मिक अनुगमन गरेको थियो ।
केन्द्रले सिंहदरबारको पूर्वी गेटमा १० बजेदेखि ११ बजेसम्म र दक्षिणी गेटमा १० बजेदेखि १२ बजेसम्म छड्के अनुगमन गरेको थियो ।
उक्त छड्केका लागि फोकल पर्सन तोकिएका राष्ट्रिय सतर्कता केन्द्रका प्रहरी नायब महानिरीक्षक निरञ्जन विष्टका अनुसार पूर्वी गेटमा १ घण्टाको अवधिमा ३५ जना र दक्षिणी गेटमा २ घण्टाको अवधिमा १ सय जना गरी कुल १३५ जना कर्मचारीहरू बाहिरिएका थिए । यसरी बाहिरिनेमा कार्यालय सहयोगीदेखि उपसचिवसम्मका कर्मचारी रहेको उनले बताए ।
'बाहिर जानेमध्ये ७० प्रतिशत जति बिरामी भएको र अस्पतालमा उपचारका लागि गएको हामीलाई बताउनुभएको थियो,' विष्टले लोकान्तरसँग भने, 'त्यसबाहेक व्यक्तिगत कामले जान लागेको, सामान पुर्याउन जान लागेको, खान खान जान लागेको, नागरिकता बनाउन जान लागेको, गोष्ठीमा जान लागेको, तालिममा जान लागेको, चिठी पुर्याउन जान लागेको, ट्राफिकको जरिवाना तिर्न जान लागेको भनेर भन्नुभएको थियो ।'
दक्षिणी गेटबाट बाहिरिने कर्मचारीहरूको विवरण :
हाजिरी गरेर क्यान्टिनमा गफ गर्दै बस्ने प्रवृत्ति
कतिपय कर्मचारीहरू हाजिरी गरेर बाहिर नगए पनि खाजा समय अघिसम्म वा पछि पनि क्यान्टिनमा गफ गरेर बस्ने गरेको देखिन्छ ।
सोही विषयमा अनुगमन गर्नका लागि केन्द्रले सञ्चार मन्त्रालयको क्यान्टिनमा जेठ ३१ गते बुधबार १० बजेदेखि १ बजेसम्म छड्के गरेको थियो ।
उक्त छड्केका क्रममा पनि धेरैजसो कर्मचारीहरू हाजिरी गरी घण्टौंसम्म क्यान्टिनमा गफिएर बसेको फेला परेको केन्द्रका डीआईजी विष्टले बताए ।
'क्यान्टिनमा हामीले छड्के गर्दा १० बजेदेखि १२ सम्म धेरैजसो कर्मचारीहरू गफ गरिरहेको अवस्थामा पाएका थियौं,' विष्टले थपे, 'किन बस्नुभएको भनेर सोधपुछ गर्न लाग्दा उहाँहरू आ-आफ्नो कार्यकक्षमा फर्किनुभएको थियो ।'
कर्मचारीहरू समयमा नआउने, आए पनि हाजिरी गरेर बाहिर जाने, आ-आफ्नो कार्यकक्षमा नबस्ने, क्यान्टिनमा गफ गरेर बस्नेजस्तो गुनासो आएपछि केन्द्रले छड्के अनुगमन गरेको उनले खुलाए ।
केन्द्रको छड्केमा परेकाहरूलाई आवश्यक कारबाहीका लागि सम्बन्धित मन्त्रालयमा लेखी पठाउने तयारी गरिएको उनले खुलाए ।
'यसरी हाजिरी गरेर बाहिर जानेहरू सम्बन्धित कार्यालयको कार्यालय प्रमुखसँग सहमति लिएर गएको हो वा होइन, सहमति लिएर नगएको भए विभागीय कारबाहीका लागि लेखी पठाउने तयारी हामीले गरेका छौं,' विष्टले थपे, 'यहाँ कर्मचारीहरूले अनुशासन पालना नगरेको र कार्यालय समयमा आ-आफ्नो कार्यकक्षमा नबस्ने गरेको विकृति बढेकै हो । त्यसलाई सुधार गर्न आवश्यक छ ।'
सामान्य प्रशासन मन्त्रालयको छड्केमा एकै दिन १०३ जना कर्मचारी अनुपस्थित
जेठ २९ गते संघीय मामिला तथा सामान्य प्रशासन मन्त्रालयमा सोही मन्त्रालयका सचिव कृष्णहरि पुष्करले छड्के गर्दा एकैदिन १०३ जना कर्मचारीहरू अनुपस्थित भएका थिए । सह-सचिवदेखि कार्यालय सहयोगी सम्म उक्त छड्केमा परेका थिए ।
सचिव पुष्करले बिहान १० बजेदेखि १०:१५ सम्म छड्के गर्दा समग्रमा १०३ जना कर्मचारीहरू उपस्थित भएका थिएनन् ।
मन्त्रालयकै दरबन्दी अन्तर्गत भने १ जना सहसचिव, ६ जना उपसचिव, १९ जना शाखा अधिकृत, २२ जना सहायकसहित कुल ४८ जना अनुपस्थित पाइएका थिए ।
त्यसैगरी सोही मन्त्रालयमा फाजिल भएर हाजिर गर्ने अतिरिक्ततर्फका ५४ जना कर्मचारीहरू पनि अनुपस्थित पाइएका थिए ।
अतिरिक्त समूहका १ जना सहसचिव, १७ जना उपसचिव, १७ जना शाखा अधिकृत र १९ जना सहायक कर्मचारीहरूसहित ५४ जना समयमा हाजिर भएका थिएनन् ।
मन्त्रालयको आन्तरिक कर्मचारी प्रशासन शाखाका एक कर्मचारीका अनुसार अनुपस्थित भएका १०३ जना कर्मचारीहरूको हाजिरीमा सचिव पुष्करले रातो लगाएर गयल गरेका थिए ।
'त्यसबाहेक एकजना सहसचिव नारायणप्रसाद अर्यालको हाजिरीमा पनि रातो लगाइएको भए पनि उहाँ सीडीओको तालिम लिन जानुभएको पाइएपछि उहाँको बिदा कायम भयो,' ती कर्मचारीले लोकान्तरसँग भने ।
रातो लागिसकेका कारण ढिला उपस्थित भएका कर्मचारीले हाजिर गर्न पाएनन् । 'एकपटकका लागि भन्दै विभागीय कारवाहीको प्रक्रिया अगाडि बढेन,' ती कर्मचारीले लोकान्तरसँग भने, 'सचिवज्यूले एकपटकका लागि चेतावनी दिएर छाड्नुभयो ।'छड्केपछि अहिले कर्मचारीहरू समयमा नै उपस्थित भएर हाजिरी गर्ने गरेको उनको भनाइ छ ।
हेर्नुहोस्, थप तस्वीर :
महेन्द्रनगर– दुईतिर भारतको सीमा जोडिएको कञ्चनपुरमा सशस्त्र प्रहरी बलले अवैध ढङ्गले ल्याइएका रु ८८ लाख बराबरका सामान नियन्त्रणमा लिएको छ । महेन्द्रनगरस्थित सशस्त्र प्रहरी बल नंं ३५ गणका अनुसार गत फागुनपछि ...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
राणा शासनकालको प्रशासनिक व्यवस्थामा 'माथि' भन्नाले प्रधानमन्त्रीलाई बुझाउँदथ्यो । राजाको शासनकालमा दरबार वा राजालाई माथि भनिन्थ्यो । कर्मचारीले इमान्दारिता छाडेमा वा अनैतिक काम गरेमा कुरा माथि पुग्दथ्यो ...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...