कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट | कात्तिक २१, २०८०
जाजरकोटको भेरी नगरपालिका-४ कि गौरी बिकको घर भूकम्पले भत्कायो । भएका केही आफन्त गुमे । चार दिनकी सुत्करी उनी अहिले त्रिपालमा बसेकी छिन् । स्याहारसुसार गर्ने कोही छैन ।
गएराति उनी भोकै सुतिन् । 'खाना पकाउने कोही भएन । किन्नलाई होटेलमा पनि पाइएन,' लोकान्तरसँग उनले भनिन्, 'केही नपाएपछि भोको बस्नुको विकल्प रहेन । एक रात भोकै काटियो ।
उसो त उनी भोको बसेको यो पहिलो रात होइन । भूकम्पपछि उनले राम्ररी खान पाएकी छैनन् । चाउचाउ र चिउराकै भरमा पनि उनले रात गुजारेकी छन् । भूकम्प गएको रात उनले खुला आकासमै बिताएकी थिइन् ।
सुत्केरी अवस्थामा आमाको लागि विशेष स्यहारसुसार जरुरी हुन्छ । सुत्केरी महिलाको लागि पर्याप्त आरम एवं पोषिलो खानपान जरुरी हुन्छ । तर, भूकम्पले घरजान गुमाएकी गौरीलाई ज्यान बचाउनै मुस्किल छ ।
मंगलबार बिहानै उनी समोसा खाँदै गरेकी भेटिइन् । 'हिजोदेखि केही खाएकी थिइनँ,' उनले भनिन्, 'अहिले समोसा पाएँ । यही खाँदैछु ।'
सुत्केरी अवस्थामा भोकै बस्नुपर्ने अवस्था गौरी एक्लैको भने होइन । सोही ठाउँकी विमला तिरुवाको अवस्था पनि उस्तै छ । ८ दिनकी सुत्केरी उनले पनि हिजो राति केही खान पाइनन् । त्रिपालमुनि बसेकी उनी मंगलबार बिहान खानाको खोजीमा थिइन् । 'हिजो केही खान पाइएन,' मंगलबार खाना खोज्दै हिँडेकी उनले सुनाइन्, 'अब अहिले त केही पाइन्छ कि खोज्दैछु ।'
भूकम्प गएको चौथो दिनसम्म पनि सबै पीडितले राहत पाएका छैनन् । राहत वितरणमा राजनीति हुँदा सबैले पाउन नसकेको पीडितको आरोप छ । राजनीतिक दलका नेताहरूले रातिराति आफ्ना आफन्त र कार्यकर्तालाई राहत बाँड्ने गरेको उनीहरूको गुनासो छ ।
सबै पीडितले राहत नपाउँदा सुत्केरीलगायत वृद्धवृद्धाको बिचल्ली भएको स्थानीय प्रकाशचन्द्र गौतमले बताए । 'राहत वितरणमा राजनीति भयो । दलका नेताहरूले राति आफ्नालाई राहत बाँड्छन् । अरुलाई दिँदैनन्,' लोकान्तरसँग उनले भने, 'हिजो राति १२ पनि केही नेताहरूले राहत बाँडेको सुनेका छौं । पीडितले पाएका छैनन् । सुत्केरीलगायतलाई समस्या भएको छ ।'
यस्तै जिल्ला बाहिर घर भएका पीडितलाई पनि राहत पाउन समस्या भएको छ । सम्बन्धित वडाले स्थानीयलाई मात्रै प्राथमिकता दिँदा उनीहरूले राहत नपाएको गुनासो गरेका हुन् ।
शक्रबार जाजरकोट केन्द्रबिन्दु भएर गएको भूकम्पमा परी दुई जिल्लाका १५३ जनाको ज्यान गएको छ भने दुई सय बढी घाइते भएका छन् ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...