बुधबारदेखि चार दिन राजधानीका विभिन्न स्थानमा विद्युत अवरुद्ध हुने भएको छ । नेपाल विद्युत प्राधिकरण, महाराजगन्ज वितरण केन्द्र अन्तरगतको विद्युतीय लाइत भूमिगत गर्ने कार्य भइरहेकाले विद्युत अवरुद्ध हुन लागेको बताइएको छ । 
जसअनुसार बुधबार चपली तथा बूढानीलकण्ठ, बिहीबार गोंगबु बसपार्क, शुक्रबार चपली तथा हात्तीगौँडा र शनिबार चपली, बूढानीलकण्ठ तथा पासीकोट क्षेत्रमा विद्युत अवरुद्ध हुने प्राधिकरणले जारी गरेको सूचनामा उल्लेख छ । यी क्षेत्रमा बिहान साढे ९ देखि २ बजेसम्म् विद्युत अवरुद्ध हुने जनाइएको छ ।