राष्ट्रियसभामा लुम्बिनीबाट सुवेदी र सापकोटा विजयी

संसद्को माथिल्लो सदन मानिने राष्ट्रियसभा सदस्य पदमा लुम्बिनी प्रदेशबाट नेकपा (माओवादी केन्द्र)का झक्कुप्रसाद सुवेदी र नेपाली कांग्रेसकी विष्णु सापकोटा निर्वाचित भएका छन् ।

उनीहरू नेकपा (एमाले)का झपेन्द्र घर्ती क्षेत्री र तुलसाकुमारी केसीलाई पराजित गर्दै सुवेदी र सापकोटा विजयी विजयी भएका हुन् ।

सुवेदीले ५ हजार ४३५  मतभारसहित विजयी भएका हुन् । उनका निकटतम प्रतिस्पर्धी घर्तीले ३ हजार ११  मात्र ल्याउन सके । 

त्यस्तै महिलातर्फ सापकोटा ५ हजार ४३५ र मतभारसहित विजयी भइन भने केसीले २ हजार ८६७ मत मात्र ल्याउन सकिन् । दुई पदका लागि भएको निर्वाचनमा लुम्बिनीमा ६ जना उम्मेदवार रहेका थिए । 

लुम्बिनीमा सत्तारुढ गठबन्धन एक ठाउँ र एमालेले एक्लै चुनाव लडेका थियो । ३०५ जना मतदाता रहेको लुम्बिनीमा ८७ जना प्रदेशसभा सदस्य र २१६ स्थानीय तहका प्रमुख उपप्रमुखले मतदान गरेका थिए । 

बाँकेको नरैनापुर गाउँपालिका उपाध्यक्ष जयन्तीदेवी श्रीवास्तव र रुपन्देही मायादेवी गाउँपालिका उपाध्यक्ष नर्वदादेवी उपाध्यक्ष अनुपस्थिति रहेको निर्वाचन अधिकृत कूलप्रसाद पाण्डेले जानकारी दिए ।  

एमालेका कुमार दशौंदी र कांग्रेसकी अनिता देवकोटाको कार्यकाल सकिन लागेकाले नयाँ सदस्य छान्न प्रतिस्पर्धा हुन लागेको हो । 

राष्ट्रियसभा सदस्य निर्वाचनका लागि प्रदेशसभा सदस्यको ५३ र पालिका प्रमुख–उपप्रमुखको १९ हुनेगरी मतभार छुटटाइएको हुन्छ । लुम्बिनीको कूल मतभार ८ हजार ७५२ हो । 

५९ सदस्यीय राष्ट्रिय सभामा सात वटै प्रदेशबाट ८ जनाका दरले ५६ सांसद निर्वाचित हुने र राष्ट्रपतिबाट तीन सदस्य मनोनीत गर्ने संवैधानिक व्यवस्था छ ।