बलिउड अभिनेत्री आलिया भट्टलाई उत्कृष्ट अभिनेत्रीको अवार्ड दिइएको छ । आइतबार भारतको गुजरातमा आयोजित भव्य कार्यक्रममा भट्टलाई उत्कृष्ट अभिनेत्रीको अवार्ड दिइएको हो ।

फिल्म ‘रकी र रानी की प्रेम कहानी’ मा अभिनय गरेबापत उनलाई अवार्ड दिइएको भारतीय सञ्चार माध्यमहरूले जनाएका छन् । 

समाचारमा जनाइएअनुसार रणवीर कपूरले फिल्म ‘एनिमल’ मा गरेको अभिनयका लागि उत्कृष्ट अभिनेताको अवार्ड पाएका छन् ।

‘१२वीं फेल’ ले २०२३ को उत्कृष्ट फिल्मको अवार्ड पाएको छ भने फिल्मका निर्देशक विधु विनोद चोपडाले उत्कृष्ट निर्देशकको अवार्ड पाएका छन् ।

विक्की कौशललाई फिल्म डन्कीमा अभिनय गरेबापत सर्वोत्कृष्ट अभिनेता (सहयोगी भूमिका) को उपाधि दिइएको छ । फिल्म ‘रकी और रानी की प्रेम कहानी’ मा अभिनय गरेबापत शबाना आजमीलाई सर्वोत्कृष्ट अभिनेत्री (सहयोगी भूमिका) को अवार्ड दिइएको छ ।