नेपालको पहिलो तथा लोकप्रिय फूड डेलिभरी कम्पनी फूडमान्डुले भ्यालेन्टाइन डेलाई लक्षित गर्दै ‘भ्यालेन्टाइन डे कन्टेस्ट’ ल्याएको छ ।

यस कन्टेस्टअन्तर्गत फूडमान्डमार्फत फूड अर्डर गर्ने ग्राहकमध्यबाट हरेक दिन ५ जना भाग्यशाली विजेताहरूलाई लक्की ड्र मार्फत छनोट गरिनेछ ।

उक्त भाग्यशाली विजेताहरूलाई मिनिसो, केटीएम सिटी, अभाता र फूडमान्डु मर्कन्डाइजको तर्फबाट आकर्षक गिफ्ट ह्याम्परहरू प्रदान गरिनेछ ।

विजेताहरू दैनिक रुपमा सोसल मिडिया प्लेटफर्महरूमा घोषणा गरिनेछ भने फूडमान्डुको अफिसबाट गिफ्ट ह्याम्परहरू सङ्कलन गर्न सकिनेछ ।

यसका साथै ग्राहकहरूले ४० वटा विभिन्न रेस्टुरेन्टबाट बाइ वान गेट वान फ्रि तथा आकर्षक कम्बो अफरहरूसमेत प्राप्त गर्न सक्नेछन् ।​

फूडमान्डुले विभिन्न बैंक र वालेटहरूसँगको सहकार्यमा ग्राहकहरूलाई विभिन्न क्यासब्याक अफरहरू समेत प्रदान गर्नेछ ।

यसबारे बोल्दै फूडमान्डुकी ब्रान्ड एण्ड मार्केटिङ मेनेजर इनेशा भट्टराईले भ्यालेन्टाइन डेको अवसर पारेर आकर्षक अफरहरू सार्वजनिक गरिएको बताइन् । ‘हाम्रा आदरणीय ग्राहकहरूलाई लक्षित गर्दै हामीले भ्यालेन्टाइन डेको अवसर पारेर आकर्षक अफरहरू ल्याएका छौं । आशा छ कि हाम्रा ग्राहकहरूले यो अफरलाई मन पराइदिनु हुनेछ र फूडमान्डुलाई अझै बढी माया र साथ प्रदान गर्नुहुनेछ’, उनले भनिन् ।

२४ माघदेखि फागुन २ गतेसम्म चल्ने अफरमा सहभागी हुनको लागि फूडमान्डुुको वेबसाइट वा फूडमान्डुको एप मार्फत फूड अर्डर गर्न सकिने कम्पनीले जनाएको छ ।