सरकारले हचुवाका भरमा करारका कर्मचारी नहटाउने निर्णय गरेको छ ।

राष्ट्रिय सतर्कता केन्द्रले पेश गरेको टिप्पणीलाई सोमवार सम्बोधन गर्दै सरकारले प्रधानमन्त्रीस्तरीय निर्णय गरेको हो ।

व्यक्तिगत पूर्वाग्रह राखी हचुवाको भरमा सेवा करार-अस्थायी सेवामा कार्यरत कर्मचारीलाई हटाउने प्रवृत्ति निरुत्साहित गर्नुपर्ने मागलाई प्रधानमन्त्री पुष्पकमल दाहाल प्रचण्डले सम्बोधन गरेको सर्तकता केन्द्रले मंगलवार विज्ञप्ति जारी गर्दै जनाएको छ ।

साथै सर्तकता केन्द्रले सरकारले गरेको निर्णय कार्यान्वयन गर्न तीन तहका सरकारलाई निर्देशन दिएको छ ।

‘२०७८ प्रतिकुल हुने गरी निजबाट कामकाज भएमा वा अन्य प्रचलित कानूनमा व्यवस्था भएमा बाहेक व्यक्तिगत पूर्वाग्रह राखी हचुवाको भरमा कुनै पनि करार/अस्थायी कर्मचारीलाई सेवाबाट हटाउने कार्य नगर्न/नगराउन संघीय सरकार, प्रदेश सरकार र स्थानीय तहका कार्यालयहरूलाई लेखी पठाउन राष्ट्रिय सतर्कता केन्द्र (कार्य सञ्चालन) नियमावली, २०६५ को नियम ७ (३) बमोजिम तहाँ मन्त्रालयलाई निर्देशन दिने भनी मिति माघ २९ को निर्णय ( सम्माननीय प्रधानमन्त्रीस्तर) भएकोले सोही बमोजिम कार्यान्वयनको लागि अनुरोध छ,’ उपसचिव हिरामणि सुवेदीले जारी गरेको विज्ञप्तिमा उल्लेख छ ।