माघ १८, २०८०
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
धनगढी | फागुन २६, २०८०
सुदूरपश्चिम प्रदेशमा सत्ता जोगाउन मुख्यमन्त्री कमलबहादुर शाहले अन्तिम कसरत गरिरहेका छन् । नेकपा माओवादी केन्द्र र एकीकृत समाजवादीले समर्थन फिर्ता लिएसँगै अल्पमतमा परेका शाहले सरकार जोगाउने अन्तिम अस्त्रका रूपमा नागरिक उन्मुक्तिका थप तीन मन्त्री नियुक्त गरेका छन् । मुख्यमन्त्री शाहले संसदीय दलका नेतासमेत रहेका घनश्याम चौधरीलाई आर्थिक मामिला, खुसीराम चौधरी विना विभागीय र इन्दिरा गिरीलाई भूमि व्यवस्था राज्यमन्त्रीमा नियुक्त गरेका हुन् । उनीहरूले शपथसमेत लिइसकेका छन् । नवनियुक्त सबै मन्त्री कैलालीबाटै निर्वाचित भएका हुन् ।
सुदूरपश्चिममा ९ जिल्ला छन् । तर, प्रदेश सरकारमा बैतडी र कैलाली गरी दुई जिल्लाका मात्रै मन्त्री छन् । आन्तरिक मामिला तथा कानूनमन्त्री शिवराज भट्ट मात्रै बैतडीका हुन् । त्यसबाहेक सात सदस्यीय सरकारमा मुख्यमन्त्रीसहित ६ जना मन्त्री कैलालीकै छन् ।
मुख्यमन्त्री शाह कैलाली प्रतिनिधिसभा क्षेत्र नम्बर २ को प्रदेशसभाबाट निर्वाचित भएका थिए । त्यसै क्षेत्रबाट निर्वाचित रामेश्वर चौधरी भूमि व्यवस्था कृषि तथा सहकारी मन्त्री छन् । भौतिक पूर्वाधार विकास मन्त्री प्रकाश देउवा पनि कैलालीबाट निर्वाचित हुन् । कैलालीमा प्रतिनिधि सभातर्फ ५ र प्रदेशसभातर्फ १० निर्वाचन क्षेत्र छन् ।
स्वतन्त्र सांसदलाई फकाउँदै मुख्यमन्त्री
मुख्यमन्त्री शाहलाई सत्ता टिकाउन सकस भइरहेको छ । नागरिक उन्मुक्ति सरकारमै रहे पनि उनी सुरक्षित छैनन् । त्यसका लागी उनलाई प्रदेश सभामा रहेका स्वतन्त्र सांसद डा. तारा जोशी र राप्रपा सांसद खेमादेवी विष्टको साथ अति आवश्यक छ । ५३ सदस्यीय प्रदेश सभामा नेपाली कांग्रेसका १८, नागरिक उन्मुक्तिका ७ सांसद गरी २५ जना छन् । तर, टिकाउन २७ सांसद आवश्यक पर्र्छ । मुख्यमन्त्री शाह अहिले पनि अल्पमतमै छन् । स्वतन्त्र सांसद र राप्रपाले साथ दिए मात्रै उनले विश्वासको मत पाउन सक्छन् । तर, त्यो सम्भावना निकै कम छ । स्वतन्त्र सांसद जोशी सरकारमा सामेल हुन तयार छैनन् । ‘म यो सरकारको भविष्य देख्दिनँ । सरकारमा सहभागी नागरिक उन्मुक्तिभित्रै विवाद छ । अंक गणितका हिसाबले म निर्णायकजस्तो देखिए पनि म तयार भएर नागरिक सरकारबाट बाहिरिएको अवस्थामा के हुन्छ ? अहिलेको नेतृत्वलाई म पूर्णरूपमा असफल देख्छु । त्यसैले अहिले सरकारमा सामेल हुन म राजी छैन,’ जोशीले भने ।
जोशीलाई सरकारमा सामेल गराउन मुख्यमन्त्री शाहले हर सम्भव प्रयास गरिरहेका छन् । शाहले उनलाई सामाजिक विकास वा उद्योग, पर्यटन वन तथा वातावरण मन्त्रालय रोजेर लिन अफर गरेका छन् ।
केन्द्रको निर्णय पर्खिँदै राप्रपा
सुदूरपश्चिम प्रदेश सभामा राप्रपाको एक सिट छ । राप्रपाबाट खेमादेवी विष्ट संसद्मा प्रतिनिधित्व गर्छिन् । उनै विष्ट पनि यतिबेला सरकार टिकाउन निर्णायक ठाउँमा छिन् । मुख्यमन्त्री शाहले उनलाई पनि सरकारमा आउन अफर गरेका छन् । त्यसका उनलाई पनि मुख्यमन्त्री शाहले सामाजिक र पर्यटनमध्ये एक मन्त्रालय दिन सकिने वचन दिएका छन् । राप्रपा सांसद विष्ट भने केन्द्रीय अध्यक्ष राजेन्द्र लिङदेनको निर्देशन कुरिरहेकी छिन् । ‘सरकारमा सामेल हुन आग्रह गरिएको छ । सुदूरपश्चिममा मात्रै नभएर अन्य प्रदेशमा पनि राप्रपा निर्णायक देखिएको छ । केन्द्रीय सरकारका विषयमा पनि छलफल भइरहेकाले अहिले नै निर्णय गर्न सक्ने अवस्था छैन । त्यसैले केन्द्रको निर्णय कुरिरहेकी छु,’ विष्टले भनिन् ।
ढल्न सक्छ सरकार !
राप्रपा र स्वतन्त्र सांसदले समर्थन नजनाएको खण्डमा मुख्यमन्त्री शाह नेतृत्वको सरकार ढल्ने निश्चित छ । सरकार जोगाउन मुख्यमन्त्री शाहले उनीहरूलाई रिझाइरहेका छन् । उसो त नागरिक उन्मुक्ति पार्टीकी अध्यक्ष रञ्जिता श्रेष्ठले प्रदेश सरकारबाट बाहिरिन पार्टीका सांसदहरूलाई निर्देशन दिइसकेकी छिन् । यही अवस्थामा उन्मुक्ति बाहिरिएको खण्डमा स्वतन्त्र र राप्रपाले साथ दिए पनि मुख्यमन्त्री सुरक्षित छैनन् । नागरिक उन्मुक्तिलाई होल्ड गरी राप्रपा र स्वतन्त्र सांसदलाई फकाउने अन्तिम अस्त्रको प्रयोग मुख्यमन्त्री शाहले गरिरहेका छन् ।
एक महिनाभित्र शाहले विश्वासको मत लिनै पर्ने छ । त्यो बेलासम्म नागरिक उन्मुक्ति, राप्रपा र स्वतन्त्र सांसदले साथ दिएको अवस्थामा सरकार जोगिने छ । त्यसो हुन नसकेको अवस्थामा अर्को सरकार गठनको प्रक्रिया अगाडि बढ्ने छ ।
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...