इन्डियन प्रिमियर लिग (आईपीएल) क्रिकेटमा पञ्जाब किंग्सले विजयी शुरूवात गरेको छ । शनिवार राति घरेलु भूमि मोहालीमा भएको खेलमा पञ्जाबले दिल्लीमाथि ४ विकेटले रोमाञ्चक जीत निकाल्दै विजयी शुरूवात गरेको हो । 

टस हारेर पहिले ब्याटिङको निम्तो पाएको दिल्लीले दिएको १७५ रनको लक्ष्य पञ्जाबले १९.२ ओभरमा ६ विकेट गुमाउँदै भेट्टायो ।

पञ्जाबका साम करनले अर्धशतकीय पारी खेल्दै सर्वाधिक ६३, लियाम स्टेफेन लिभिङस्टोनले ३८, प्रभसिमरन सिंहले २६ र कप्तान शिखर धवनले २२ रनको योगदान दिए ।

दिल्लीका कुलदीप यादव र खलील अहमदले २–२ तथा इशान्त शर्माले १ विकेट लिए ।

यसअघि दिल्लीले पूरै २० ओभर खेल्दै ९ विकेटको क्षतिमा १७४ रन बनाएको थियो । उसका लागि डेभिड वार्नरले सर्वाधिक २९, मिचेल मार्शले २० र शाई होपले ३३ रन बनाएका थिए ।

पञ्जाब किंसका हर्षल पटेल र अर्शदीप सिंहले २–२, राहुल चाहर, हरप्रीत ब्रार र  कागिसो रबाडा १–१ विकेट लिए ।

आईपीएल क्रिकेट : चेन्नईको विजयी शुरूआत