इन्डियन प्रिमियर लिग (आईपीएल) मा कोलकाता नाइट राइडर्सले रोयल च्यालेन्जर्स बैंग्लोरविरुद्ध सात विकेटको सहज जीत निकालेको छ । गएराति एम चिन्नास्वामी रंगशालामा सम्पन्न खेलमा बैंग्लोरले प्रस्तुत गरेको १८३ रनको लक्ष्य कोलकाताले १६.५ ओभरमा तीन विकेट गुमाएर पूरा गर्‍यो ।

कोलकाताको जितमा वेन्कटेस ऐयरले ३० बलमा ५० रन बनाए ।  सुनिल नारिनले २२ बलमा ४७ रन बनाए । कप्तान श्रेयस ऐयरले ३९ र फिल साल्टले ३० रन बनाए ।

बैंग्लोरका यस दयाल, मयंक दागर र विजयकुमार भास्यकले समान एक/एक विकेट लिए ।

त्यसअघि टस हारेर ब्याटिङमा आएको बैंग्लोरले निर्धारित २० ओभरमा ६ विकेट गुमाएर १८२ रन बनाएको थियो । 

बैंग्लोरका विराट कोहलीले ८३ रन बनाए पनि टिमलाई हारबाट जोगाउन सकेनन् । 

क्यामरुन ग्रीनले ३३, ग्लेन म्याक्सवेलले २८ र दिनेश कार्तिकले २० रन थपे । 

कोलकाताका हर्षित राना र आन्द्रे रसेलले समान दुई विकेट लिए । सुनिल नारिनले एक विकेट हात पारे ।