बैशाख २७, २०८१
खेल र पर्यटन क्षेत्रलाई सँगसँगै अगाडि बढाउन सोलुखुम्बुको माप्य दूधकोशी गाउँपालिका–५ स्थित महभिरमा अन्तर्राष्ट्रियस्तरको ‘रक क्लाइम्बिङ’ प्रतियोगिता हुने भएको छ । साहसिक खेल ‘रक क्...
काठमाडाैं | चैत १८, २०८०
पेरिस– फ्रान्सले पेरिस ओलम्पिकको सुरक्षा चुनौतीलाई मध्यनजर गर्दै विदेशी सुरक्षाकर्मीको सहयोग माग गरेको छ ।
पेरिस ओलम्पिक २०२४ का लागि सम्भावित आक्रमणविरुद्ध उच्च सतर्कतामा रहेको जनाउँदै आयोजक फ्रान्सले विदेशी प्रहरी र सेनाको सहयोग माग गरेको हो ।
फ्रान्सले राजधानी पेरिसमा हुने पहिलो चरणका खेलहरूका लागि सुरक्षा योजनालाई अन्तिम रूप दिँदैछ ।
यसै सिलसिलामा फ्रान्सले गृष्मकालीन पेरिस ओलम्पिकको सुरक्षाका लागि दुई हजारभन्दा बढी प्रहरी अधिकारीलाई पठाउन सक्ने हो कि होइन भनी ४६ मुलुकलाई सोधेको बताएको छ । प्रतियोगिता जुलाई २६ देखि अगस्ट १५ सम्म हुँदैछ ।
गृह मन्त्रालयले विदेशी सुरक्षा सहायताका लागि जनवरीमा अनुरोध गरिएको बताएको छ । यसमा करिब दुई हजार एक सय ८५ सुदृढीकरणको माग गरिएको थियो । मन्त्रालयका अनुसार अधिकारीहरूसँग खेलहरूको सुरक्षा, ‘दर्शकहरूको अनुभव’ र ‘अन्तर्राष्ट्रिय सहयोगलाई बलियो बनाउन’ सहयोग मागिएको हो ।
'यो प्रमुख अन्तर्राष्ट्रिय कार्यक्रमहरूका लागि आयोजक देशहरूको क्लासिक दृष्टिकोण हो,’ मन्त्रालयले भनेको छ । फ्रान्सले सन् २०२२ मा कतारमा विश्वकप फूटबल प्रतियोगितामा आफ्ना दुई सय जवानलाई पठाएको र गत वर्ष फ्रान्सले आयोजना गरेको रग्बी विश्वकपका लागि अन्य युरोपेली सुरक्षा बलका एक सय ६० अधिकारीलाई स्वागत गरिएको मन्त्रालयले बताएको छ ।
सेनाका जनरल स्टाफका प्रवक्ता कर्णेल पियरे गौडिलियेरले भने, ‘फ्रान्सेली रक्षा मन्त्रालयले खोजी कुकुरहरूको टिमसहित खेलहरूमा ‘अत्यन्त विशिष्ट’ कार्यमा सहयोग पुग्न सकोस् भनेर विदेशी मुलुकहरूबाट ‘सानो सङ्ख्या’ मा सैन्यकर्मीहरूको माग गरेको छ ।’
पोल्यान्डका रक्षामन्त्रीले आफ्नो मुलुकले पेरिस खेलकुदमा सैनिक पठाउने बताए । पोलिस सशस्त्र बलको प्रतिनिधिमण्डलमा कुकुर ह्यान्डलरलाई पनि समावेश गरिने भन्दै मन्त्री भ्लाडिस्लाभ कोसिनिक–कामिजले सामाजिक सञ्जाल एक्समा भने, ‘यसको मुख्य लक्ष्य भनेको विस्फोटकहरू पत्ता लगाउने र आतङ्कवादी घटनाहरूको प्रतिरोध गर्न सम्बन्धित गतिविधिहरू सञ्चालन गर्नु हो ।’
इस्लामिक चरमपन्थीहरूद्वारा बारम्बार घातक हमलाबाट प्रभावित र एक करोड ५० लाख आगन्तुकहरू आउने अपेक्षा गरिएको शहर पेरिसमा ओलम्पिक खेल आयोजकहरूका लागि सुरक्षा सबैभन्दा ठूलो चुनौती हो । उद्घाटन समारोहका लागि सुरक्षासम्बन्धी चिन्ता विशेषरूपमा धेरै छ । उद्घाटन समारोहमा सिन नदीको किनारमा डुङ्गाहरू र तटबन्धनबाट हेर्नेको ठूलो भीड हुनेछ ।
हालै रुसको एक कन्सर्ट हलमा भएको घातक हमला र हमलाको इस्लामिक स्टेटले जिम्मेबारी लिएपछि फ्रान्स सरकारले आफ्नो सुरक्षा सतर्कतालाई उच्चतम स्तरमा बढाएको छ ।
फ्रान्सेली प्रधानमन्त्री ग्याब्रियल अटालले सामाजिक सञ्जाल एक्समा निर्णयको घोषणा गर्दै भने, ‘मस्को हमलाका लागि इस्लामिक स्टेटको जिम्मेवारी र दाबी तथा हाम्रो मुलुकमा मडारिरहेको खतरालाई अधिकारीहरूले ध्यानमा राखिरहेका छन् ।’
खेल र पर्यटन क्षेत्रलाई सँगसँगै अगाडि बढाउन सोलुखुम्बुको माप्य दूधकोशी गाउँपालिका–५ स्थित महभिरमा अन्तर्राष्ट्रियस्तरको ‘रक क्लाइम्बिङ’ प्रतियोगिता हुने भएको छ । साहसिक खेल ‘रक क्...
अष्ट्रेलियाले छैटौँ पटक आईसीसी एक दिवसीय विश्वकप क्रिकेटको उपाधि जितेको छ । आइतबार घरेलु टोली भारतलाई ६ विकेटले पराजित गर्दै अष्ट्रेलियाले उपाधिमाथि कब्जा जमाएको हो । हमादाबादस्थित नरेन्द्र मोदी स्टे...
भारतमा जारी इन्डियन प्रिमियर लिग (आईपीएल) क्रिकेटमा कोलकाता नाइट राइडर्सले दिल्ली क्यापिटल्समाथि जीत दर्ता गरेको छ । सोमबार राति घरेलु मैदान इडेन गार्डेनमा भएको खेलमा उत्कृष्ट फर्ममा रहेको कोलकाताले द...
कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...
इन्डियन प्रिमियर लिग (आईपीएल)मा कोलकाता नाइट राइडर्सले लखनउ सुपर जायन्ट्सविरुद्ध शानदार जीत हासिल गरेको छ । आइतबार राति सम्पन्न खेलमा केकेआरले लखनउलाई ९८ रनले हराएको हो । जितसँगै केकेआर अंक तालिका...
नेपालले वेस्ट इन्डिज ‘ए’सँगको टी–२० क्रिकेट श्रृंखला एक खेलअगावै गुमाएको छ । पाँच खेलको श्रृंखलाअन्तर्गत चौथो खेलमा पराजित भएसँगै नेपालले अन्तिम खेल नखेली वेस्ट इन्डिजलाई नतिजा सुम्प...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...