इलाम–२ उपनिर्वाचनका इलामको चुलाचुली गाउँपालिकाको वडा नम्बर १ को मतगणना सकिँदापहिचानवादी पक्षधर स्वतन्त्र उम्मेदवार डकेन्द्रसिंह थेगिमले मत ह्वातै बढाएका छन् । उनले त्यहाँ १ हजार ३१ मत पाए । यस वडामा २ हजार ३९० मत खसेको थियो  । सदर मत भने २ हजार ३६७ थियो ।

फाकफोकथुम सकिँदासम्म थेगिमले ९६३ मत मात्रै प्राप्त गरेका थिए । उनले आज बिहानसम्ममा ४ हजार ५८ मत पुर्याएका छन् । उनी तेस्रो स्थानमा छन् ।

आज बिहान १२ वटा वडाको मतगणना सकिंँदा १९ हजार १७० मत गणना भएको छ । जसमा नेम्वाङ २ हजार २८२ मतले अगाडि देखिएका हुन् । कांग्रेसका डम्बर खड्काले ५ हजार ३९५ मत ल्याउँदा नेम्वाङले ७ हजार ६७७ मत ल्याउन सफल भएका छन् ।

स्वतन्त्र उम्मेदवार थेगिमले ४ हजार ५८ मत ल्याउँदा रास्वपाका मिलन लिम्बूले भने बल्ल १ हजार मत कटाएका छन् । उनले १ हजार १६२ मत पाएका छन् ।