इलाम २ मा स्वतन्त्र उम्मेदवार डकेन्द्रसिंह थेगिमले एउटै वडाबाट एकलौटी रुपमा १०३२ भोट पाएका छन् ।

तर माङसेबुङ ५, लारुम्वामा थेगिमले एकलौटी भोट झार्दा एमालेका सुहाङ नेम्वाङले ६९ र कांग्रेसका डम्बर खड्काले ४९ भोटमात्रै पाएका छन् । रास्वपाका मिलन लिम्बूले यो वडाबाट ३ मतमात्रै पाएका छन् ।​

थेगिमले एकलौटी भोट झारेको वडा किराँत धर्मगुरु आत्मानन्द लिङ्देनको कुटी रहेको ठाउँ हो ।

धर्मगुरुको कुटी रहेको प्रभाव क्षेत्रमा थेगिमको पक्षमा एकलौटी भोट खसेको हो । एकलौटी भोट झार्न सफल भएपछि डकेन्द्रसिंहले कांग्रेससँगको अन्तर १५ सय हाराहाबारीबाट ४ सयमा झारेका हुन् । 

प्रभाव रहेकै वडा नम्बर ३ मा पनि मुढा चुनाव चिन्हका थेगिमले सबैभन्दा बढी ६४० भोट ल्याएका छन् ।

यहाँ एमालेले ५१९ र कांग्रेसले ३१३ भोट पाएको छ । वडा नम्बर १ मा कांग्रेसले ४३६, एमालेले ४११ मत ल्याउँदा स्वतन्त्रका थेगिमले ३७२ मत पाएका छन् । 

थेगिमले वडा २ मा ३१७, ४ मा १६२ र ६ मा ११६ मत पाएका छन् । पाँचवटा वडामा रास्वपाका लिम्बूले जम्मा २४३ मत पाएका छन् ।